ەڭ ارزان جانار- جاعارماي قاي وڭىردە ساتىلادى
ق ر ەنەرگەتيكا ءمينيسترى قانات بوزىمبايەۆتىڭ ايتۋىنشا، ءۇش ءىرى جوبا بويىنشا مۇناي ءوندىرۋ كولەمى 21,7 ميلليون توننانى قۇرادى. ونىڭ ىشىندە قاشاعاندا - 4,24 ميلليون توننا، تەڭىزدە - 12,48 ميلليون توننا جانە قاراشىعاناقتا - 4,97 ميلليون توننا مۇناي وندىرىلگەن.
«جالپى العاندا، بيىلعى مۇناي ءوندىرۋ جوسپارى ورىندالادى. مۇناي ەكسپورتىنىڭ كولەمى 29,1 ميلليون تونناعا جەتتى. بۇل - 2018 -جىلدىڭ سايكەس كەزەڭىمەن سالىستىرعاندا %95,4 ارتىق. ال، مۇناي وڭدەۋ كولەمى شامامەن 6,7 ميلليون توننانى قۇرادى. 2018 -جىلدىڭ سايكەس كەزەڭىمەن سالىستىرعاندا %5,1 جوعارى. وندىرىلگەن مۇناي ونىمدەرىنىڭ كولەمى 5,07 ميلليون توننانى قۇرايدى. بۇل 2018 -جىلدىڭ سايكەس كەزەڭىمەن سالىستىرعاندا % 14 جوعارى» ، - دەدى قانات بوزىمبايەۆ ق ر ۇكىمەتى وتىرىسىندا.
جالپى، مۇناي ونىمدەرى نارىعىنداعى جاعداي تۇراقتى. جانار- جاعارماي تاپشىلىعى جوق.
«5 ماۋسىمداعى جاعداي بويىنشا، اي-92 ماركالى بەنزيننىڭ ورتاشا باعاسى: ءبىر ليترىنە - 148,7 تەڭگە، ال ماۋسىمارالىق ديزەل وتىنىنىڭ باعاسى - 192 تەڭگە. سونىمەن قاتار، Aي-92 ماركالى بەنزين باعاسىنىڭ تومەندەگەنى بايقالادى. ماسەلەن، اي-92 ماركالى بەنزينگە ەڭ تومەنگى باعا باتىس قازاقستان وبلىسىندا - 139 تەڭگە بولسا، ديزەل وتىنعا ەڭ تومەنگى باعا تۇركىستان وبلىسىندا - 175 تەڭگە» ، - دەدى مينيستر.