ەلوردادا اعزاسىن الماستىرعان سپورتشىلار سايىسى باستالدى
ەلىمىزدىڭ بارلىق وڭىرلەرىنەن، پولشا جانە رەسەيدەن كەلگەن 100 دەن استام ۇمىتكەر ءجۇزۋ، ۆولەيبول، ۇستەل تەننيسى، دارتس جانە بوۋلينگ سياقتى سپورتتىڭ بەس تۇرىنەن سىنعا تۇسپەك.
قاتىسۋشىلار جاس بويىنشا بەس ساناتتا باق سىناماق.
قازاقستان اۋماعىندا حالىقارالىق دەڭگەيدە ءبىرىنشى رەت ءوتىپ وتىرعان سايىسقا ەۋروپادان مارتەبەلى مەيماندار شاقىرىلىپتى.
«1977 -جىلدان بەرى اعزا الماستىرعان ادامدار اراسىندا سپورت ناسيحاتتالىپ كەلەدى. بۇگىن وسى جەردە تۇرۋىمىز قازاقستاندا مەديتسيناسىندا بەتبۇرىس بار ەكەنىن كورسەتەدى. وسىدان بىرنەشە جىل بۇرىن جانىبەك وسپانوۆتى ميۋنحەندە العاش كورگەندە جالعىز جانتالاسىپ جۇرەتىن. مىنە قازىر قاسىنا كوپتەگەن ادامدار توپتاسىپتى. سوعان قاراپ ىزگى سپورتتىڭ دامىپ جاتقانىن كورەمىز»، - دەدى اعزا الماستىرعان جانە ديالەزدەگى سپورتشىلاردىڭ ەۋروپالىق فەدەراتسياسىنىڭ پرەزيدەنتى بەرەنتە يۋديت.
ەۋروپالىق مەيمان ەسىمىن اتاعان جانىبەك وسپانوۆ - قازاقستاندا ءبىرىنشى بولىپ جۇرەگىن الماستىرعان ادام. ءقازىر تاعدىرلاستارىنىڭ باسىن قوسىپ، سپورت ىستەرى جانە دەنە شىنىقتىرۋ كوميتەتى جانىنان ءوز فەدەراتسيالارىن قۇرۋعا ارەكەتتەنىپ ءجۇر.
«2012 -جىلدىڭ تامىزىندا ءبىر ءمارۇۇم ايەلدىڭ جۇرەگىن ۇلىنىڭ كەلىسىمى بويىنشا ماعان سالدى. وسى كۇردەلى كەزەڭنەن قينالماي وتۋىمە سپورت كوپ كومەگىن تيگىزدى. وتادان كەيىن ۇلدى بولدىم. وسىنداي شارالار ارقىلى ترانسپلانتاتسيادان كەيىن دە جارقىن ءومىر بار ەكەنىن كورسەتكىمىز كەلەدى»، - دەيدى جارىستى ۇيىمداستىرۋشى.
جارىس 10-13 -ماۋسىم ارالىعىندا نۇر-سۇلتان قالاسىنىڭ بىرنەشە سپورت نىسانىندا وتەدى.