حاكەرلەر ەلوردانىڭ بالاباقشاعا جولداما بەرۋ جۇيەسىنە شابۋىل جاسادى

نۇر-سۇلتان. قازاقپارات - نۇر-سۇلتان قالاسىنداعى مەكتەپكە دەيىنگى ۇيىمداردا ورىنداردى ءبولۋ جۇيەسىنىڭ جۇمىسى ۋاقىتشا توقتاتىلدى، دەپ حابارلايدى قازاقپارات ەلوردانىڭ ءبىلىم باسقارماسىنا سىلتەمە جاساپ.

«تۇننەن باستاپ جۇيەگە اۋقىمدى حاكەرلىك شابۋىل جاسالۋدا. ءبىر ۋاقىتتا 500 مىڭنان استام پايدالانۋشى كىرۋگە ارەكەت جاسايدى.

قازىرگى ۋاقىتتا تەحنيكالىق ماماندار شابۋىلدىڭ شىعۋ سەبەبىن انىقتاۋدا. جۇيەنىڭ جۇمىسىن قالپىنا كەلتىرەردەن بۇرىن الدىن الا حاباردار ەتەتىن بولامىز. كەلەڭسىزدىكتەر ءۇشىن كەشىرىم سۇرايمىز»، دەلىنگەن باسقارمانىڭ Facebook جەلىسىندەگى پاراقشاداعى جازبادا.

ەسكە سالا كەتسەك، 22 -مامىردا نۇر-سۇلتان قالالىق ءبىلىم باسقارماسىنىڭ باسشىسى ەلوردادا بالاباقشاعا جولداما الۋ جۇيەسى جاڭارتىلعانىن جاريا ەتكەن بولاتىن.