گولوۆكيننىڭ جاڭا باپكەرى: ءبىز دۇرىس باعىتتا كەلەمىز
نيۋ-يوركتەگى «Madison Square Garden» ارەناسىندا وتكەن گەنناديي گولوۆكين مەن كانادالىق ستيۆ روللس اراسىنداعى جەكپە-جەكتەن سوڭ GGG جاڭا باپكەرى دجوناتون بەنكس پىكىر ءبىلدىردى. ونىڭ ايتۋىنشا، گولوۆكين از عانا ۋاقىتتىڭ ىشىندە ءوزىن بابىندا ەكەنىن كورسەتتى.
«جەكپە-جەكتى نوكاۋتپەن اياقتاعان جاقسى. ماعان شاكىرتىمنىڭ رينگتەگى ءىس-قيمىلدارى ۇنادى. ءبىز از ۋاقىتتىڭ ىشىندە جاقسى جەتىستىكتى كورسەتتىك. ەندى بۇدان جاقسى كورسەتكىشتەرگە قول جەتكىزۋگە ۋاقىت جەتەدى. ءبىز دۇرىس باعىتتا كەلە جاتىرمىز»، - دەدى ول.
CompuBox ستاتيستيكاسىنا سۇيەنسەك، ءتورت راۋندتا گولوۆكين وزىنە باعىتتالعان 223 سوققىنىڭ 62 ىن وتكىزىپ العان. تيىسىنشە، روللسقا 38 سوققى ءدال تيگەن.
ەسكە سالايىق، 9 -ماۋسىم كۇنى نيۋ-يوركتە گەننادي گولوۆكين كانادالىق ستيۆ روللستى نوكاۋتپەن جەڭدى.
بوكس كەشىنىڭ اندەركارتىندا تاعى ەكى قازاقستاندىق ونەر كورسەتتى. بۇعان دەيىن جەڭىلىپ كورمەگەن ءالي احمەدوۆ ءوز مىقتىلىعىن كەزەكتى رەت دالەلدەدى. ول تاجىريبەلى امەريكالىق ماركۋس ماكدەنيەلدى تەحنيكالىق نوكاۋتپەن جەڭىپ، WBC International تيتۋلىن جەڭىپ الدى.
ال 32 جاستاعى اقتوبەلىك بوكسشى باقتيار ەيۋبوۆ (14-0-1، 12 ك و) امەريكالىق برايان سەبالوعا (8-0، 4 ك و) ەسە جىبەرىپ قويدى.