ميۋنحەندە ەۋروپا قازاقتارىنىڭ كىشى قۇرىلتايى ءوتىپ جاتىر

None
None
ميۋنحەن. قازاقپارات - ميۋنحەن قالاسىندا مادەني-گۋمانيتارلىق جانە الەۋمەتتىك- ەكونوميكالىق جوبالار نەگىزىندە قازاق دياسپوراسىنىڭ وكىلدەرىن بىرىكتىرۋ ماقساتىندا قازاقتاردىڭ كىشى قۇرىلتايى ءوتىپ جاتىر، دەپ حابارلايدى قازاقپارات ۇيىمداستىرۋشىلارعا سىلتەمە جاساپ.

جيىننىڭ نەگىزگى تاقىرىبى - قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ «ۇلى دالانىڭ جەتى قىرى» ماقالاسىنىڭ جانە «رۋحاني جاڭعىرۋ» باعدارلاماسىنىڭ ەرەجەلەرى كونتەكستىندە ىنتىماقتاستىقتى دامىتۋ.

null 

قۇرىلتايدىڭ ءبىرىنشى كۇنى ەۋروپا ەلدەرىندەگى (شۆەتسيا، گەرمانيا، فرانسيا) قازاق قاۋىمداستىقتارىنىڭ باسشىلارىمەن وتكەن كەزدەسۋدە الداعى مىندەتتەر مەن جوسپارلار تالقىلاندى. كىشى قۇرىلتايدىڭ رەسمي اشىلۋ شاراسى اياسىندا «وتانداستار قورى» ك ە ا ق جۇزەگە اسىرىپ جاتقان «مادەني- ىسكەرلىك ءۇيى» قازاق ءۇيى» جوباسى كەڭىنەن تانىستىرىلىپ، دۇنيەجۇزى قازاقتارى قاۋىمداستىعى تاراراپىنان دايىندالعان بەينەباياندار كورسەتىلدى.

قۇرىلتايدىڭ سپيكەرلەرى - دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ، «وتانداستار قورىنىڭ» ۆيتسە-پرەزيدەنتى ماعاۋيا سارباسوۆ، ەۆروپاداعى قازاق قاۋىمداستىقتارى جانە شۆەتسياداعى قازاق قاۋىمداستىعىنىڭ ءتوراعاسى مۇرات ەرميش.

زاۋىتبەك قاۋىسبەك ۇلى اتالمىش شارانىڭ قازاق ۇلتىنىڭ بىرلىگىن نىعايتۋداعى ماڭىزدى ءرولىن اتاپ ءوتتى.

null 

«قانداستارىمىز ەلباسىنىڭ «وتانداستار قورىن» قۇرۋ تۋرالى ۇسىنىسىنا ءۇمىت ارتىپ، قولداۋ ءبىلدىردى. مىنە، سونىڭ ارقاسىندا ءبىز بۇگىن دۇنيەجۇزى قازاقتارى قاۋىمداستىعى مەن «وتانداستار قورى» ك ە ا ق بىرلەسكەن جۇمىستارىنىڭ ناتيجەسى جايلى ايتا الامىز. شەت ەلدەردە تۇراتىن قازاق دياسپورالارى وكىلدەرىنىڭ وتىنىشىنە بايلانىستى ۇلتتىق ورتالىقتاردى مۋزىكا اسپاپتارىمەن، قولونەر بۇيىمدارىمەن، ۇلتتىق كيىممەن قامتاماسىز ەتۋ ماسەلەسىنە وراي، ءبىز «وتانداستار قورىمەن» بىرلەسە وتىرىپ، «ءداستۇرلى قورجىن» اتتى كەڭ اۋقىمداعى جوبانى جۇزەگە اسىرماقپىز. بۇنىڭ العاشقى باستاماسىن ءبىز بۇگىن الىپ كەلدىك، ول ءبىرقاتار قازاق ۇلتتىق بىرلەستىكتەرىنە تاراتىلادى. شەت ەلدەردەگى وتانداستارىمىزدى قولداۋ ءۇشىن قر ۇكىمەتى جانىنان ۆەدومستۆوارالىق كوميسسيا قۇرىلادى. «قازاق كارتاسىن» ەنگىزۋ تۋرالى ۇسىنىس قولداۋعا يە بولدى. بۇگىنگى كىشى قۇرىلتاي ۇلتتىق «رۋحاني جاڭعىرۋ» باعدارلاماسىنا وزىندىك ۇلەسىن قوسادى دەپ سەنەمىن»، - دەدى زاۋىتبەك تۇرىسبەكوۆ.

ۇلتتىق بىرەگەيلىكتى ساقتاۋعا، قازاق دياسپوراسىنا قاتىستى مەملەكەتتىك ساياساتتى قالىپتاستىرۋعا جانە شەتەلدە تۇراتىن ەتنيكالىق قازاقتاردى شوعىرلاندىرۋعا جاردەمدەسۋ ماقساتىندا «وتانداستار قورى» كەاق پەن ەۋروپاداعى قازاق مادەني ورتالىقتارىمەن ءوزارا تۇسىنىستىك جانە ارىپتەستىك تۋرالى مەموراندۋمدارعا قول قويىلدى.

null 

سونىمەن قاتار، قۇرىلتاي اياسىندا ەۋروپاداعى قازاق مادەني ورتالىقتارىنىڭ قىزمەتتەرىن ۇيىمداستىرۋدىڭ وزەكتى ماسەلەلەرى تالقىلانىپ، شەتەلدەگى قازاقتارعا ارنالعان ءبىلىم باعدارمالارى جانە «وتانداستار قورىنىڭ» مادەني- گۋمانيتارلىق جوبالارىنىڭ تانىستىرىلىمى ءوتتى.

قۇرىلتايدىڭ كەلەسى كۇندەرى قازاقستان رەسپۋبليكاسى جوعارعى وقۋ ورىندارىنىڭ تانىستىرىلىمى، جاستارمەن بەيرەسمي كەزدەسۋ، بيزنەس-فورۋم جانە ءداستۇرلى فۋتبول تۋرنيرى وتكىزىلەدى.

جالپى، كىشى قۇرىلتايعا قازاق دياسپوراسىنىڭ 100 دەن استام وكىلى، سونداي-اق، قازاقستاندىق مادەنيەت قايراتكەرلەرى، كاسىپكەرلەر قاتىستى.

 null

سوڭعى جاڭالىقتار