شاڭحايدا قازاقستاندىقتار داۋىس بەرىپ جاتىر
قىتايدا سايلاۋ نۇر-سۇلتان ۋاقىتىمەن ساعات 05:00 دە باستالعان بولاتىن.
سايلاۋ ۋچاسكەسىندە قىتايدىڭ جياڭسۋ، جياڭشي، انحوي، جىجياڭ، فۋجيان پروۆينسيالارىندا جانە شاڭحاي قالاسىندا تۇراتىن جانە ۇزاق ۋاقىت ءىسساپاردا جۇرگەن قازاقستاندىقتار كەلىپ داۋىس بەرۋدە.
شاڭحاي قالاسىنداعى سايلاۋ ۋچاسكەسىندە ءبىرىنشى بولىپ شاڭحاي ۋنيۆەرسيتەتىندە «رەجيسسۋرا» ماماندىعى بويىنشا ءبىلىم الاتىن 3 -كۋرس ستۋدەنتى تامەرلان جولداسوۆ داۋىس بەردى.
«بۇگىن شىندىعىندا مەندە جۇمىس وتە كوپ ەدى، داۋىس بەرۋگە ۇلگەرمەي قالۋىم مۇمكىن دەپ الاڭدادىم. سوندىقتان بۇگىن ەرتە تۇرىپ، بىردەن داۋىس بەرۋگە كەلدىم. بۇل ءار ازاماتتىڭ پارىزى. قازاقستاننىڭ بولاشاعىنا قاتىستى ناۋقاننان شەت قالماۋ كەرەك. مەن العاش رەت پرەزيدەنت سايلاۋىندا داۋىس بەرىپ وتىرمىن. بۇعان دەيىن مەن 2016 -جىلى ءماجىلىس دەپۋتاتتارىنىڭ سايلاۋىنا قاتىسقان ەدىم»، - دەدى ول.
ەسكە سالساق، قىتايداعى قازاقستاندىق ديپلوماتتار العاشقىلاردىڭ ءبىرى بولىپ داۋىس بەرگەندىگى تۋرالى بۇعان دەيىن حابارلاعان بولاتىنبىز.