رەسپۋبليكالىق «اقجايىقتىڭ اقكەربەزى» اتتى تەرمەشىلەر بايقاۋى مارەگە جەتتى
العاش رەت ۇيىمداستىرىلعان ونەر دوداسىنا اقتوبە، ماڭعىستاۋ، قوستاناي، قىزىلوردا جانە باتىس قازاقستان وبلىسىنان بارلىعى 12 ۇمىتكەر قاتىسىپ، باق سىنادى.
بايقاۋ ماقساتى - ومىردەن ەرتە كەتكەن ءانشىنىڭ ءۇنتاسپادا جازىلعان ءان- تەرمەلەرىن كەيىنگى ۇرپاققا ناسيحاتتاۋ، جىرشىلىق- تەرمەشىلىك ونەردى كەڭىنەن دامىتۋ. سونداي- اق جاڭا ەسىمدەردى اشىپ، جاس دارىندارعا قولداۋ كورسەتۋ.
سايىسقا ق ر ەڭبەك سىڭىرگەن ءارتىسى، ع. قۇرمانعاليەۆ اتىنداعى وبلىستىق فيلارمونيانىڭ ءانشىسى ساۋلە تاۋدايەۆا باستاعان قازىلار القاسى تورەلىك ەتتى.
بايقاۋ قورىتىندىسىندا ورالدىق نازگۇل قابييەۆا باس جۇلدەنى جەڭىپ الدى.
تەرەكتى اۋدانىنان كەلگەن لاۋرا مۇحامبەتجانوۆا مەن نۇرايىم ەرتالاپ قىزى ءبىرىنشى، ورالدىق ءامينا عاينەدەنوۆا مەن اقتوبەلىك عازيزا ءابدىروۆا ەكىنشى ورىنعا يە بولدى. اقتاۋلىق اينۇر وماروۆا، ورالدىق اقمارال كەمەلحانوۆا، قوستانايلىق ايجان ساناي ءۇشىنشى ورىندى ءبولىستى.
ق. راحيموۆانىڭ ەسىمىن ماڭگى ەستە قالدىرۋ ماقساتىندا اتالمىش بايقاۋ ءداستۇرلى تۇردە ءوتىپ تۇرماق.
ايتا كەتەيىك، شىڭعىرلاۋ اۋىلىنداعى ورتالىق ساياباقتا ءانشى ءمۇسىنى ورناتىلعان.
اۆتور: ەلجان ەرالى