ەلىمىزدەگى جالعىز قالايى كەن ورنىندا توننا توپىراقتان تەك جارتى گرامم مەتالل شىعادى

نۇر-سۇلتان. قازاقپارات - سولتۇستىك قازقستان وبلىسىندا قالايى كەن ورىنى يگەرىلە باستادى. قازىر سىرىمبەتتە جەر قىرتىسىن قازۋ جۇمىستارى جۇرگىزىلىپ جاتىر.

 گەولوگتاردىڭ ايتۋىنشا، كەننىڭ قورى 150 مىڭ توننادان اسادى. بۇل ونداعان جىلعا جەتەدى. بۇل قازاقستانداعى جالعىز، ال ورتالىق ازياداعى ەڭ ءىرى قالايى كەن ورنى. زەرتتەۋ جۇمىستارى كورسەتكەندەي، باعالى مەتالل جەر استىندا 230 مەتر تەرەڭدىكتە جاتىر. گەولوگتاردىڭ پايىمىنشا، 1 توننا توپىراقتان تەك جارتى گرامم قالايى شىعادى.

 سەرگەي ۆولكوۆ، باس گەولوگ:

- تەحنيكالىق وڭدەۋدە دۇرىس شەشىم قابىلداۋ وتە ماڭىزدى. ءبارىن بۇگە- شىگەسىنە دەيىن ەسەپتەپ شىقتىق. بۇل ءوندىرىس كەزىندەگى شىعىندى ازايتادى. سوندىقتان دا كوپ ۋاقىت كەتتى. بۇل جەر قويناۋىن پايدالانۋ سالاسىنداعى سەرپىندى جوبالاردىڭ ءبىرى بولماق. ونى ىسكە اسىرۋ ءۇشىن مەملەكەت تاراپىنان ينفروقۇرىلىم تارتىلدى. سۋ، جارىق، جول ءۇشىن ەل قازىناسىنان 2 ملرد تەڭگە ءبولىندى. 50 مەگاۆاتتىق ەلەكتر ستانتسياسى سالىندى.

دميتريي حۆان، كومپانيانىڭ ۆيتسە- پرەزيدەنتى:

 - بۇل ءبىزدىڭ جوبا ءۇشىن زور قولداۋ. قانشا قارجى ۇنەمدەلدى. وسىلايشا مەملەكەت جەر قويناۋىن پايدالانۋشىلارعا جول اشىپ وتىر. قازاقستانداعى قالايىنىڭ 65 پروتسەنتى وسى سولتۇستىك قازاقستان وبلىسىندا ورنالاسقان. ال سىرىمبەت تاۋ- كەن بايىتۋ ورىنى الەم بويىنشا ۇزدىك وندىققا كىرەدى. كەشەندە 600 ادام جۇمىس ىستەيدى.

قۇمار اقساقالوۆ، سولتۇستىك قازاقستان وبلىسىنىڭ اكىمى:

- بۇل جوبانىڭ ىسكە اسىرىلۋىن ءبىز 18 جىلداي كۇتكەنبىز دا. بيىل مامىر ايىندا جەر جۇمىستارى باستالدى. 100 گەكتاردىڭ كولەمىندە جەر جۇمىستارى باستالدى. ءبىزدىڭ وبلىسىمىز ءۇشىن ول ەڭ ءىرى ينۆەستيتسيالىق جوبا. ينۆەستيتسيا كولەمى 100 ميلليارد تەڭگە بولىپ تابىلادى.

- ال كەلەسى جىلى مۇندا تاۋ- كەن كومبيناتىنىڭ قۇرىلىسى باستالادى. ءوندىرىس وشاعى جىلىنا 10 مىڭ تونناعا جۋىق تازا قالايى شىعارادى دەپ جوسپارلانىپ وتىر.

www.24.kz