اقتوبەدە ءبىر توپ ەرىكتى بۇلاقتاردىڭ كوزىن اشىپ ءجۇر
بۇعان جاۋعان قاردىڭ از ءتۇسۋى مەن كوكتەمگى جاۋىن- شاشىننىڭ ماردىمسىزدىعى دا سەبەپ بولدى. وڭىردە وتكەن جىلى باستالعان سۋ قويمالارىن تازالاۋ جۇمىستارىنا حالىق نارازى. ەرىكتىلەر «جاعالاۋدا وسكەن تال- تەرەكتەردى تامىرىمەن جۇلىپ قانا قويماي، وزەن ارناسىن شەكتەن تىس كەڭەيتىپ جىبەرگەن» - دەيدى. ناتيجەسىندە سۋ دەڭگەيى توبىقتان اسپاي قالدى. ال، تازارتۋعا سالىنعان اۋىر تەحنيكا بۇلاقتىڭ كوزىن بىتەگەن.
پەتر مۋراشكيەۆيچ، قالا تۇرعىنى:
- تازالاۋ جۇمىستارىنا كىرىسكەن مەردىگەر كومپانيانىڭ ءىسى ەشقانداي اقىلعا سىيمايدى. ناتيجەسىندە وبلىس ورتالىعىنداعى بارلىق وزەندەردەن ايىرىلىپ قالدى. اعاشتار 40-50 جىلدان كەيىن قايتادان ءوسىپ شىعاتىن بولسا، جەدەل قولعا الىپ، شارا قولدانباسا سۋدىڭ ارناسىن جاقىن ارادا تولتىرۋ ەكىتالاي. ەرىكتىلەردىڭ وزدەرى بىلەكتى سىبانىپ ىسكە كىرىسۋدى ءجون كورگەن. ءبىرىنشى كەزەكتە سازدى وزەنىن تولتىرۋدى نازارعا الىپتى.
مانسۇر ەسقوجين، ءتىلشى:
- سازدى وزەنىنىڭ ارناسىن زەرتتەگەن ەرىكتىلەر سۋقويما تولىعىمەن ءدال وسى سياقتى شاعىن بۇلاقتارمەن قورەكتەنەتىنىن انىقتاعان. سوندىقتان جاعالاۋدى جايلاعان بۇلاقتاردىڭ كوزىن اشسا سۋدىڭ دەڭگەيى ءوسىپ، ايدىنىندا بالىق تا كوبەيەتىندىگىنە سەنىمدى. بۇل ماڭايداعى 4 ۇلكەن بۇلاقتىڭ ءارقايسىسىنان تاۋلىگىنە 400-500 توننا سۋ اعادى. قولدارىنا كۇرەك ۇستاعان ەرىكتىلەر ساناۋلى ساعاتتا تاعى 14 شاعىن بۇلاقتىڭ كوزىن انىقتادى. اۋىر تەحنيكانىڭ بۇل جەرگە كەلۋىنە جول بەرمەيمىز دەيدى. سەبەبى جەر استى سۋلارى ءبىر ساتتە- اق جوعالىپ كەتۋى مۇمكىن.
الىبەك ماعاۋين، قالا تۇرعىنى:
- قازىر مىنە قاراڭىز سۋى تۇپ- تۇنىق. ءتاتتى- اق سۋى. كادىمگىدەي تاپ- تازا بۇلاقتىڭ سۋى ناعىز. مۇپ- مۇزداي كادىمگى.
ەرىكتىلەر بۇل شارانى كوپ بولىپ قولعا الۋ كەرەكتىگىن ايتادى. قازىر 20 عا جۋىق ازامات قانا دەمالىس كۇندەرىن بۇل يگى ىسكە ارناپ ءجۇر. قوسىمشا كومەك ارتىق ەتپەيدى. سازدى وزەنىنەن سوڭ جىڭىشكەنى دە قولعا الۋ ويدا بار. ال، جەرگىلىكتى بيلىكتەن تەك سۋ كوزدەرىن قورشاپ، مال- جاننىڭ تاپتاماۋىن ۇيىمداستىرۋدى ءوتىنىپ وتىر.
www.24.kz