ەلوردا اكىمدىگى كوپبالالى انالاردىڭ بيزنەس اشۋىنا كومەكتەسۋدە
اكىمدىكتىڭ جانە كاسىپكەرلەردىڭ كومەگىمەن ءۇشىنشى توپتاعى مۇگەدەك، جالعىزباستى انا گۇلنۇر جالعاسوۆا بالمۇزداق بيزنەسىن باستادى. ونىڭ وتباسى جەتى جىلدان بەرى ەلوردادا پاتەر جالداپ تۇرادى.
«بۇگىنگى كۇنگە دەيىن ءتۇرلى جۇمىس ىستەپ كوردىم. مۇگەدەكتىگىم بار، تاۋلىگىنە ساعاتتاپ جۇمىس ىستەۋگە شامام جوق. قولايلى جۇمىس بولماعاسىن، جەكە كاسىپكەرلىك اشۋدى ويلاپ، اكىمدىكتەن كومەك، كەڭەس سۇرادىم. ولار الەۋمەتتىك كومەك كورسەتەتىن كاسىپكەرمەن تانىستىردى. كاسىپكەر ءوز دۇكەنىنىڭ الدىنان تەگىن ورىن بەردى. ءوزىم دە 300 مىڭ تەڭگە اقشا جيناپ، توڭازىتقىش پەن اربا ساتىپ الدىم. وسىلايشا، ءبىر ايدا ءوز بيزنەسىمدى باستاپ كەتتىم» ، - دەيدى گ. جالعاسوۆا.
گۇلنۇر تابىسىنىڭ ءبىر بولىگىن تۇرعىن ءۇي قۇرىلىس جيناق بانكىندەگى ەسەپشوتىنا اۋدارادى.
«ايىنا 35 مىڭ تەڭگەدەن تۇرعىن ءۇي قۇرىلىس جيناق بانكىنە تولەيمىن. قىسقا دەيىن ءوز پاتەرىمدى الام دەپ ۇمىتتەنىپ ءجۇرمىن. تابىسىم دا جاقسارىپ قالدى. شامامەن استانا قالاسىنداعى ورتاشا ايلىقتى تاۋىپ ءجۇرمىن. پاتەراقىعا، بالالارىما، وزىمە جەتەدى. مۇگەدەكپىن دەپ بىرەۋدىڭ قولىنا قاراپ وتىرعىم كەلمەدى. اركىم ءوز وتباسىن ءوزى اسىراۋى كەرەك دەپ ەسەپتەيمىن. ءوزىم سياقتى مۇمكىندىگى شەكتەۋلى ادامداردى جۇمىسقا الىپ، كاسىبىمدى ءارى قاراي دامىتقىم كەلەدى. قىستا ساۋدا ورىندارىمەن سويلەسىپ، جىلى ورىن ىزدەستىرەمىن» ، - دەيدى ول.
تاعى ءبىر كوپبالالى، جالعىزباستى انا گۇلميرا سالىبايەۆاعا اكىمدىك ءوز ءۇيىنىڭ ماڭىنان جەمىس- جيدەك ساتاتىن دۇڭگىرشەك ورناتىپ بەردى. ونىڭ 10, 8, 7 جاستاعى جانە 8 ايلىق بالالارى بار.
«2012 -جىلى بالالارىمدى الىپ، وڭتۇستىك قازاقستاننان استاناعا قونىس اۋداردىم. پاتەر جالداپ تۇردىق. كوندۋكتور بولىپ جۇمىس ىستەدىم. بالالاردىڭ اكەسى كەلدى، ءبىراق تاعى تاستاپ كەتتى. بالا كۇتىمىمەن ۇيدە وتىرعاندىقتان، 6 بالاسى بار سىڭلىمە كوشىپ باردىم. ول دا جالعىزباستى. ۇيدە وتىرعان سوڭ، اكىمدىككە بارىپ، جەمىس- جيدەك ساتاتىن ورىن الۋعا كومەك سۇرادىم. باستاپقىدا كومەكتەسسە، ءوزىم دوڭگەلەتىپ اكەتەمىن. ولار ءۇيدىڭ قاسىنا دۇڭگىرشەك ورناتىپ، جارىق جالعاپ، ىشىندەگى جەمىس- جيدەك، كوكونىستەرگە دەيىن تولتىرىپ بەردى. مۇنداي كومەك بولارىن كۇتپەدىم» ، - دەيدى گ. سالىبايەۆا.
ەندى گۇلميرا سىڭلىسىمەن بىرگە جۇمىس ىستەپ، بالالارعا قارايلاسىپ، ساتۋ ورىندارىن كوبەيتكىسى كەلەدى.
«ەلوردا اكىمدىگى كومەك سۇراپ كەلگەن بارلىق انالارعا جاردەمدەسۋگە تىرىسادى. وقۋعا، كۋرسقا بارا المايتىن، بىلىكتىلىگىن كوتەرۋگە ۋاقىتى جەتپەيتىن، قاراجات تاباتىن مۇمكىندىگى جوق كوپبالالى انالار بار. ولار بىزگە كىشىگىرىم بيزنەس- جوسپارلارىن اكەلەدى. نەمەن اينالىسقىسى كەلەتىنىن، قاي اۋدان، قاي كوشەنىڭ ىڭعايلى بولاتىنىن ايتادى. بيزنەستىڭ الەۋمەتتىك جاۋاپكەرشىلىگى اياسىندا، كاسىپكەرلەرمەن بىرلەسىپ، مۇمكىندىگىنشە كومەكتەسۋگە تىرىسامىز» ، - دەدى نۇر- سۇلتان قالاسى اكىمىنىڭ باسپا ءسوز حاتشىسى ەلۆيرا جۇرگەنبايەۆا.
ونىڭ ايتۋىنشا، كاسىپكەرلىك كومەكتە بالاسى كوپ، مۇمكىندىگى شەكتەۋلى نەمەسە اسىراۋشىسى جوق، كەدەيلىكتىڭ شەگىنە جەتكەن وتباسىلارعا باسا ءمان بەرىلەدى.
ايتا كەتەيىك، ەلوردالىق «بەرەكەلى باسپانا» باعدارلاماسى اياسىندا «كوپبالالى وتباسى» ساناتىندا تۇرعىن 150 ارەندالىق پاتەرگە سەرتيفيكات بەرۋ باستالدى.
ارەندا قۇنى - پاتەردىڭ ءاربىر شارشى مەترىنە 70 تەڭگەدەن. ياعني، ورتا ەسەپپەن كوپبالالى وتباسىلار ايىنا 6-7 مىڭ تەڭگەگە پاتەر جالداپ تۇرا الادى.
«كوپبالالى وتباسى» ساناتىندا تۇرعىن ءۇي كەزەگىندە تۇرعاندار نۇر- سۇلتان قالاسى اكىمدىگىنىڭ «تۇرعىن ءۇي قورى» كوممۋنالدىق مەملەكەتتىك مەكەمەسىنە (ر. قوشقاربايەۆ كوشەسى 39) جۇگىنۋى ءتيىس (بايلانىس ءنومىرى: 79-34-50) .
بۇگىندە ەلوردادا 46 مىڭ ادام تۇرعىن ءۇي كەزەگىندە تۇر. ونىڭ 3 مىڭنان استامى - كوپبالالى وتباسى.