جوبا جەتەكشىسى ەلوردانى سيفرلاندىرۋدا قانداي كەدەرگىلەر بارىن ايتتى
جيىندا سالا ماماندارى قازاقستان استاناسىنىڭ سيفرلىق ەكونوميكا داۋىرىندە كوشتەن قالماۋى ءۇشىن نە ىستەۋ كەرەك دەگەن سۇراققا جاۋاپ ىزدەدى.
«Strategy Partners» كومپانياسىنىڭ جوبالار جەتەكشىسى ۆلاديمير پوكلاد نۇر-سۇلتان قالاسىنىڭ 2050 -جىلعا دەيىن سيفرلىق تۇرعىدا دامۋ ستراتەگياسىن دايىنداۋعا تاپسىرىس العانىن ايتادى.
«ءدال قازىر نۇر-سۇلتان قالاسى سيفرلاندىرۋدىڭ جاڭا كەزەڭىنە دايىن دەۋگە بولادى. ورتالىق ازيا دەڭگەيىندە العاندا بۇل قالانىڭ بىرنەشە باسەكەلەسى بار. ولار - ءۇرىمجى، تاشكەنت، قازان، الماتى، نوۆوسىبىر قالالارى. اتالعان قالالاردىڭ سوڭىندا قالماۋ ءۇشىن ۇزاق مەرزىمگە ناقتى ستراتەگيا قاجەت»، - دەيدى ۆلاديمير پوكلاد.
دوڭگەلەك ۇستەل بارىسىندا قوعامدىق كەڭەس وكىلدەرى قالانى سيفرلاندىرۋ بويىنشا قانداي كەدەرگىلەر بار ەكەنىن اتادى. اسىرەسە باسقارۋ ورىندارىندا جاڭا زامان تالاپتارىن كەشىگىپ قابىلداۋشىلاردىڭ بولۋى ەڭ باستى كەدەرگى ەكەنى ايتىلدى.