تۇركىستان وبلىسىنداعى بالاباقشانى سۋ الىپ كەتتى

نۇر-سۇلتان. قازاقپارات - توتەنشە وقيعاعا قاتتى جاڭبىر سەبەپ بولعان، دەپ حابارلايدى قازاقپارات ءتىلشىسى.

«تۇركىستان وبلىسىنىڭ قازىعۇرت اۋدانى قىدىر مامبەت ۇلى اۋىلىندا ساعات 15.45 كەزىندە قاتتى جاڭبىردان كەيىن 10 اۋلا ۋچاسكەسى مەن 4 جەكە تۇرعىن ءۇيدى، سونداي-اق ءبىر بالاباقشانى سۋ الىپ كەتكەن. نىساندارداعى سۋ دەڭگەيى شامامەن 5 سانتيمەترگە جەتىپ، وقيعا ورنىنا ت ج د قىزمەتكەرلەرى ارنايى قۇرىلعىلارمەن سۋدى سورىپ، سىرتقا شىعارۋ جۇمىستارىن جۇرگىزدى. زارداپ شەككەندەر مەن جاراقات العاندار جوق»، - دەدى ىشكى ىستەر مينيسترلىگىندە وتكەن باسپا ءسوز ءماسليحاتىندا ق ر ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر.

ەسكە سالا كەتسەك، قاتتى جاڭبىر سالدارىنان شىعىس قازاقستاندا كەشە ەكى اۋداندا جاڭبىردىڭ سالدارىنان بىرنەشە ءۇيدى سۋ الىپ كەتكەن بولاتىن.