+7 (701) 759 90 19
-1 °С : نۇر-سۇلتان
2 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

كيمەشەكتى قاي كەزدەن باستاپ كيۋ كەرەكتىگىن بىلەسىز بە؟

6 ماۋسىم 10:11
:ءبولىسۋ
كيمەشەكتى قاي كەزدەن باستاپ كيۋ كەرەكتىگىن بىلەسىز بە؟

نۇر-سۇلتان. قازاقپارات - مۇنى ءبىرىمىز بىلسەك، ەكىنشىمىزدىڭ بىلمەيتىنىمىز جاسىرىن ەمەس. بۇگىندە كيمەشەكتىڭ نە ەكەنىن بىلمەيتىندەر دە ارامىزدا جوق ەمەس.

سوندىقتان دا الدىمەن كيمەشەكتىڭ نە ەكەنىن انىقتاپ الساق. كيمەشەك دەگەنىمىز نە؟ كيمەشەك - قازاق ايەلدەرىنە عانا ءتان قاسيەتتى باس كيىم. كيمەشەك اق ماتادان تىگىلىپ، جيەگى استارلانادى. ونىڭ تىگىلۋى، اشەكەيى، ءتۇسى تەرەڭ ماعىنانى ايشىقتايدى.

كيمەشەككە قاراپ ايەلدىڭ جاسىنا، قانداي اۋلەتتىڭ، رۋدىڭ وتىن تۇتاتىپ وتىرعانىن بىلۋگە بولادى. كيمەشەكتەگى بوياۋى اشىق ءتۇستى، ويۋىنىڭ جىلتىراعى كوپ بولسا، وندا جاس كەلىن ەكەنىن اڭعاراسىز، ال ەگەر ويۋى ازداۋ، تىگىسى جۇقا جىپپەن تىگىلسە، وندا پايىم-پاراساتى جوعارى، كوپتى كورگەن ەل اناسى دەپ بىلسەڭىز بولادى. قازاق ءۇشىن كيەلى سانالعان كيمەشەكتى كيۋدىڭ دە ءوز ورنى مەن جورالعىسى بار. كيمەشەكتى قاي كەزدەن باستاپ كيۋ كەرەك؟




جاڭادان بوساعا اتتاعان جاس كەلىنگە كيمەشەك كيگىزبەيدى. ول باسىنا ادەمى ورامالىن وراپ، كەلىندىك مىندەتىن ءمىنسىز اتقارۋعا كىرىسەدى. ال قۇرساق كوتەرىپ، بوبەگىن امان-ەسەن باۋىرىنا باسقان سوڭ كەي ايماقتاردا قىرقىنان شىققان كەزدە اۋىل اجەلەرى، ابىسىن-اجىندارى جينالىپ، كىشىگىرىم توي جاسايدى. سول قۋانىشتى كەشتە جاس اناعا «سەن دە انا بولدىڭ»، «ەلدىڭ اناسى بول»، «ىزەتتى، سانالى ۇرپاق تاربيەلە» دەگەن تىلەكپەن، الدىن الا كەستەلەپ تىگىلگەن كيمەشەك كيگىزەدى. ەگەر جاس انانىڭ قولىنان ءىس تىگۋ كەلسە، ءوزىنىڭ تالعامىنا ساي تىگىپ الۋعا بولادى. ەگەر ونداي ىسكە يكەمى كەلمەي، قىرى بولماسا، ەنەسى نەمەسە ۇلكەن اپالارى اق نيەت، ادال كوڭىلمەن كيمەشەك تىگۋدى قولعا الادى.

كورگەنى مەن كوكەيگە تۇيگەنى كوپ ەنەلەر كوبىنەسە بايتەرەكتەي جايقالعان، ۇرپاعى ءوسىپ- ونگەن اجەلەرگە تىكتىرۋگە نيەتتەنەدى. كيمەشەك كيگەن انا كەلىنگە جينالعان قاۋىم ىزگى تىلەكتەرىن ءبىلدىرىپ، باتا بەرىپ، كورىمدىك ۇستاتادى. ال كيمەشەك كيگىزەتىن ادامدى دا ارنايى نيەتپەن سايلايدى. جاس كەلىننىڭ ەنەسى وسىنداي ابىرويلى ءىستى جاساعان ابىسىنعا ارنايى سىي بەرىپ، قوشەمەت كورسەتەدى.

كيمەشەكتەگى كەستەگە قاراپ ايەلدىڭ جاسىن بىلۋگە بولادى


ماسەلەن، جاس كەلىنشەكتەر نەعۇرلىم كوركەم ايشىقتى ورنەكتەرمەن تىگىلگەن قىزىل، جاسىلمەن كوركەمدەلگەن كيمەشەكتى تاڭدايدى. ال ەگدە ايەلدەردىڭ كيمەشەكتەرى ونشا اشەكەيلەنبەيدى. ويۋ- كەستەسى جەڭىل، سارى، اق جىپپەن سىرىلادى. جاسى ۇلعايعان ايەلدەردىڭ كيەلى كيىمىنە جاسىل، قوڭىر جىپتەرمەن يىر كەستەلەر تىگىلەدى. 30 جاستان اسقان ايەلدەر كۇمىس تەڭگەلەر مەن مونشاقتى كيمەشەكتى كيمەگەن. كيمەشەكتىڭ دەنساۋلىققا دا پايداسى زور قالاي دەيسىز بە؟ كيمەشەك كيگەن كەلىننىڭ باسى، ومىراۋى جىلى جۇرەدى. باسىنا، شاشىنا شاڭ-توزاڭ تۇسپەيدى، سىرتقى جاعىمسىزدىقتان ساقتانادى. شاشى قوبىراپ، بالا ەمىزگەندە كوزىنە تۇسپەيدى، اس ۇيدە تاماق ىشىنە كىرمەيدى.

كيمەشەكتىڭ دەنساۋلىققا دا، تازالىققا دا پايداسى وراسان. انالارىمىزدىڭ كوپشىلىگى تىگىن شەبەرىنە كيمەشەكتى الدىن-الا تىكتىرىپ، ساندىق تۇبىنە سالاتىن كورىنەدى. بۇل دايىندىعى قىزىنىڭ وتاۋ قۇرعان سوڭ، كوپ ۇزاماي قۇرساق كوتەرىپ، انا بولۋىن تىلەگەننەن شىقسا كەرەك. كەيبىر انالار كونەكوز قاريالاردىڭ كيمەشەكتەرىن ىرىمداپ ادەيى سۇراپ الادى.

كيمەشەك - جاس اناعا ابىروي، بەدەل سىيلايدى. وتباسىنىڭ ۇيىتقىسى، وتاعاسىنىڭ تىلەكشىسى بولاتىن كەز كەلگەن ايەل باسىنا ورامال ورايدى. ورامالدى كەلىنشەكتىڭ تۇتاندىراتىن وتى، تەربەتەتىن بەسىگى، قورعايتىن قامقورشىسى بارىن، ادال جار، اياۋلى انا ەكەنىن ايتپاي-اق اڭعارۋعا بولادى.

ERNUR. KZ


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات