ەلورداداعى «بايتەرەك» مونۋمەنتىنە كەلۋشىلەر ءۇشىن قولايلى جاعدايلار جاسالدى

None
None
نۇر-سۇلتان. قازاقپارات - «بايتەرەك» مونۋمەنتى كەلۋشىلەرىنە قولايلى جاعدايلار جاسالدى، دەپ حابارلايدى قازاقپارات نۇر-سۇلتان قالاسىنىڭ مادەنيەت جانە سپورت باسقارماسىنا سىلتەمە جاساپ.

«بايتەرەك» مونۋمەنتىندە ەلوردا تۇرعىندارى مەن تۋريستەرىنە قولايلى جاعداي جاساۋ ءۇشىن جايلى كۇتۋ ايماقتارى اشىلدى. كەزەكتە تۇرعان كەزدە جاڭبىردان جانە كۇننەن قورعانۋ نەمەسە موبيلدىك قۇرىلعىلاردى قۋاتتاۋ نەمەسە شاعىن ءدامحانادا تاماقتانۋ ءۇشىن كىرە بەرىستەرگە شاتىرلار ورناتىلدى. سونداي-اق، بۇل جەردەن كىرۋ بيلەتىن ساتىپ الىپ، ەكسكۋرسيا ۋاقىتىنا بالالاردىڭ ارباسىن قالدىرۋعا بولادى»، دەلىنگەن حابارلامادا.

null 

سونىمەن قاتار، بيىل جازدا «بايتەرەك» مونۋمەنتىنىڭ جۇمىس كەستەسى دە وزگەردى، ەندى ول تاڭعى ساعات 09.00-دەن كەشكى 22.00-گە دەيىن اشىق بولادى.

بيلەتتىڭ قۇنى بۇرىنعىداي: ەرەسەكتەر ءۇشىن - 700 تەڭگە جانە بالالار ءۇشىن - 300 تەڭگە. 1- جانە 2- توپتاعى مۇگەدەكتەر، جەتىم بالالار، مۇگەدەك بالالار، 5 جاسقا دەيىنگى بالالار مونۋمەنتكە تەگىن كىرەدى. ال 3-توپتاعى مۇگەدەكتەر بيلەتتى %50 جەڭىلدىكپەن ساتىپ الادى.

null 

«بايتەرەك» مونۋمەنتى ءبىر مەزەتتە 60 كەلۋشىنى قابىلداي الادى، اعىلشىن، قازاق جانە ورىس تىلدەرىن ەركىن مەڭگەرگەن 5 ەكسكۋرسوۆود تۋريستەرگە قىزمەت كورسەتەدى. ەكسكۋرسيالار ادامداردىڭ قالاۋى بويىنشا ۇيىمداستىرىلادى، ەكسكۋرسيانىڭ قۇنى بيلەتكە ەنگىزىلگەن.

ايتا كەتەرلىگى، «بايتەرەك» مونۋمەنتى - استانانىڭ باستى كورىكتى ورىندارىنىڭ ءبىرى. نىسان 2002 -جىلى بوي كوتەردى. ونى جىلىنا ورتا ەسەپپەن 580 مىڭعا جۋىق تۋريست تاماشالايدى. كەلۋشىلەر سانى جازدا كۇرت ارتادى.

 null

سوڭعى جاڭالىقتار