سۇلى جانە ونىڭ پايداسى
سۇلىنىڭ تاريحي وتانى مونعوليا مەن قىتاي بولىپ سانالادى، قازىرگى كەزدە ول كوپتەگەن ەۋروپالىق ەلدەردە وسەدى. سۇلى بوتقاسى اعىلشىنداردىڭ ءداستۇرلى تاڭعى اسى عانا بولىپ قويماي، ۇلى بريتانيانىڭ ۇلتتىق سيمۆولىنا اينالدى.
ەجەلگى قىتاي، مىسىر مەن ءۇندىستاننىڭ شيپاگەرلەرى ونىمەن اۋرۋلاردى ەمدەگەن جانە جالپى اعزانى نىعايتاتىن ءارى تىنىشتاندىراتىن قۇرال رەتىندە قولدانعان.
قازىر سۇلىدان جاسالاتىن ەڭ تانىمال ونىمدەر - سۇلى قاۋىزى، پەچەنە مەن ۇن.
سۇلىنىڭ حيميالىق قۇرامى مەن قۇنارلىلىعى
سۇلىنىڭ پايداسى ونىڭ باي قۇرامىمەن بايلانىستى. بۇل داقىلدا سالماقتى قالىپقا تۇسىرەتىن، قانداعى حولەستەرين قۇرامىن قاجەتتى دەڭگەيدە ۇستاپ تۇراتىن، تامىرلاردى اتەروسكلەروزدى تۇيىندەردەن تازالايتىن كوپتەگەن پايدالى زاتتەكتەر بار. بۇلار B، F، A، E، كراحمال، كومىرسۋلار، اقۋىزدار، مايلار، فەرمەنتتەر، امينقىشقىلدارى، مينەرالدى تۇزدار، ەفير مايى جانە قانت.
سونىمەن قاتار، ميكروەلەمەنتتەردىڭ بىرەگەي جيىنتىعىندا اتاپ وتكەن ءجون: حروم، تسينك، كرەمنيي، كاليي، مىس، سەلەن، بور، ۆولفرام، يود، قالايى، تيتان، سترونتسيي، تسيركونيي جانە مارگانەتس.
ءبىراق، بارىنەندە سۇلىنىڭ قۇرامىندا اس قورىتۋدا جانە زات الماسۋعا قاتىساتىن پانتوتەندى قىشقىل كوپ.
بۇل داقىل ديەتالىق ءونىم بولىپ سانالعانىمەن، ايتارلىقتاي قۇنارلى. 100 گرام ونىمدە 300 ككال بار.
سۇلىنىڭ پايدالى قاسيەتتەرى مەن قارسى كورسەتىلىمدەرى
سۇلى بۇكىل اعزانى جالپى نىعايتاتىن قاسيەتكە يە.
ونىڭ قۇرامىندا دارۋمەندەر مەن مينەرالداردىڭ ۇلكەن توبى بار. ا، ە دارۋمەندەرى شاش پەن تىرناقتىڭ وسۋىنە، ساۋلىعىنا، تەرىنىڭ سەرپىمدىلىگىنە پايدالى بولسا، B، F دارۋمەندەرى جۇيكە جۇيەسىنىڭ دۇرىس جۇمىس ىستەۋىنە وڭ اسەر ەتەدى، اسقازان- ىشەك جولدارىنا وڭ ىقپال ەتەدى، كۇردەلى كومىرسۋلاردى گليۋكوزاعا اينالدىرادى.
قان قۇرامىنداعى قانت دەڭگەيىن ازايتادى، سوندىقتان سۇلىنى قانت ديابەتىنە شالدىققان ادامداردىڭ تۇتىنعانى ءجون.
سۇلىنىڭ پايدالى قاسيەتتەرىنىڭ ءبىرى ول ورگانيزمدەگى ارتىق سۇيىقتىقتى شىعارادى، ىسىنۋلەرمەن قوسا زياندى زاتتاردى دا شىعارادى. بۇل جاعىنان، سۇلىنى ۇزاق مەديكامەنتوزدى ەمنەن كەيىن پايدالانعان جاقسى.
سونىمەن قاتار، ول نەسەپ- تاس اۋرۋىمەندە كۇرەسۋگە كومەكتەسەدى.
حولەستەريندى تۇسىرۋگە اسەر ەتەدى.
سۇلى اسقازان- ىشەك جولىنىڭ قىزمەتىنە وڭ اسەر ەتەدى: تىنىشتاندىرادى، بۇكىل اس قورىتۋ جۇيەسىن قالىپقا كەلتىرەدى. سۇلىنىڭ ىشەككە پايداسى - ول ءىش قاتۋمەن كۇرەسەدى.
جۇيكە جۇيەسىن نىعايتادى، كۇيزەلىس كەزىندە كومەكتەسەدى.
سۇلىنىڭ سۋى مەن تۇنباسى ىستىقتى تۇسىرەتىن، تەرلەتەتىن قاسيەتكە يە.
سۇلى باۋىرعا وتە پايدالى. بەلگىلى بولعانداي، باۋىر - ءبىزدىڭ قان ءتۇزۋ مۇشەمىز. وندا بۇكىل توكسيندەر مەن شلاكتار جينالادى. باۋىرىمىزدى تازالاي وتىرىپ، ءبىز اعزامىزعا جاڭا كۇش بەرەمىز.
سۇلى اعزانىڭ اۋرۋعا توتەپ بەرۋ قابىلەتىن ارتتىرادى.
جوتەلدى وتە جاقسى ەمدەيدى جانە قالقانشا بەزگە وتە پايدالى.
سۇلى داندەرىندە قۇرامى بويىنشا بۇلشىق ەت اقۋىزدارىنا جاقىن امينوقىشقىلدار بار.
سۇلىنىڭ قۇرامىندا پايدالى فەرمەنتتەر مەن ورگانيكالىق قوسىندىلار بار.
ءبىراق، سۇلىنىڭ پايدالى قاسيەتتەرىمەن قوسا، قارسى كورسەتىلىمدەرىنىڭ دە بار ەكەنىن بىلگەن ءجون.
قارسى كورسەتىلىمدەرى
سۇلىنى ءوت جولى اۋرۋلارىندا، بۇيرەك جەتكىلىكسىزدىگىندە بايقاپ قولدانعان ءجون. ءارقاشان ەمدەۋشى دارىگەرمەن كەڭەسكەن جانە وزىڭىزگە قاتىستى ەرەكشەلىكتەردى ناقتىلاپ العان ءجون.
سۇلىنى قولدانۋ اياسى وتە كەڭ. سۇلى حالىق مەديتسيناسىندا، كۋليناريادا، كوسمەتولوگيادا، تىگىن جانە قاعاز وندىرىسىندە، قۇرىلىس ماتەريالدارى وندىرىسىندە پايدالانىلادى. سونىمەن قاتار، سۇلىنىڭ شارۋاشىلىقتا الار ورنى ەرەكشە. بىرىنشىدەن، ول - قۇنارلى مال ازىعى. سۇلى ءدانى مال ازىعىنىڭ قۇندىلىعىنىڭ حالىقارالىق ولشەم بىرلىگى بولىپ سانالادى. باسقا داقىلداردىڭ داندەرىمەن ارالاستىرىلعان سۇلى جاس تولدەردىڭ اعزاسىنىڭ تەز جانە مىقتى بولىپ قالىپتاسۋىنا جاعداي جاسايدى. سۇلى قوسىلعان كونتسەنترلى ازىق قۇس شارۋاشىلىعىندا كەڭىنەن قولدانىلادى. سۇلىنىڭ سابانى باسقا داقىلداردىڭ سابانىنا قاراعاندا قورەكتىك زاتتارعا باي جانە مالعا جاعىمدى بولادى.
تۇماۋعا قارسى سۇلى رەتسەپتى
1 ستاقان سۇلى داندەرىن الىپ، ونى جۋىپ جانە وعان 1 ليتر سۋ قۇيۋ كەرەك. تۇنگە قالدىرىپ، تاڭەرتەڭ باستاپقى كەزدەگى سۇيىقتىقتان جارتىسى قالعانشا ونى وتقا قويامىز. ءسۇزىپ، دايىن قايناتپانى ءبىر كۇندە جىلى كۇيىندە ءىشۋ كەرەك. سونىمەن قوسا، 2 ستاقان ايراندى الدىن- الا ۇگىتىلىپ، ارالاستىرىلعان 5 دانا سارىمساقپەن كۇنى بويى ىشەمىز.
قۇرعاق جوتەلگە قارسى سۇلى رەتسەپتى
سۇلىدان ءسۇت قايناتپاسىن ازىرلەۋ ءۇشىن قاۋىزىمەن بىرگە 1 ستاقان سۇلى كەرەك. ونى الدىن- الا جۋىپ، كاسترولگە ۇستىنە 1 ليتر ءسۇت قۇيامىز. ونى 1-3 ساعات بويى ءالسىز وتتا بۇقتىرامىز. وسى ۋاقىت اراسىندا ءسۇت سارعايۋى مۇمكىن، بۇل قالىپتى رەاكسيا.
بۇدان سوڭ، قايناتپا ءسۇزىلىپ، وعان سارى ماي (50 گرامم مايعا 1 ستاقان ءسۇت) جانە بال (1 اس قاسىق بال 1 ستاقان سۇتكە) قوسىلادى. بارلىعىن جاقسىلاپ ارالاستىرامىز. قايناتپانى كۇنى بويى جارتى ستاقاننان تاۋلىگىنە 6 رەتكە دەيىن قابىلدايدى. ءبىراق، مىندەتتى تۇردە بۇل سۇيىقتىقتىڭ ءبىر ستاقانىن قابىلداۋ كەرەك!
ماي مەن بالدى قالاۋىڭىزشا ازايتىپ نە كوبەيتۋىڭىزگە بولادى. الايدا، بۇل ەكى ينگرەديەنت جوتەلدىڭ كەز- كەلگەن تۇرىندە ماڭىزدى.