قازاقستانداعى ۇزدىك جوعارعى وقۋ ورىندارى انىقتالدى

None
None
نۇر- سۇلتان. قازاقپارات - ەلوردادا «قازاقستاننىڭ 2019 -جىلعى ۇزدىك جوعارعى وقۋ ورىندارى» ۇلتتىق رەيتينگىنىڭ سەرتيفيكاتتارى تابىستالدى، دەپ حابارلايدى قازاقپارات ءتىلشىسى.

ۇلتتىق رەيتينگتى ءبىلىم بەرۋ ساپاسىن قامتاماسىز ەتۋ جونىندەگى تاۋەلسىز اگەنتتىك (IQAA- Ranking) جۇرگىزگەن. اگەنتتىك ۇلتتىق رەيتينگكە كورسەتىلگەن اقپاراتتىڭ مەكتەپ بىتىرگەن تالاپكەرلەر مەن ولاردىڭ اتا- انالارىنا، جۇمىس بەرۋشىلەر مەن مەملەكەتتىك ورگاندار ءۇشىن ءتيىمدى ەكەنىن اتاپ ءوتتى.

ҚазақстандаÒ

«ءبىزدىڭ رەيتينگ جوعارى وقۋ ورىندارىنا ءوز قىزمەتتەرىن جاقسارتۋعا مۇمكىندىك بەرەدى. سەبەبى، ءبىز زەرتتەۋدىڭ ناتيجەسىن جاريالاپ قانا قويمايمىز، ءار ينديكاتور بويىنشا ۋنيۆەرسيتەتتەردىڭ قاي ورىندا تۇرعانىن كورسەتە الامىز. ياعني، ءاربىر ۋنيۆەرسيتەت ءوز جۇمىسىن وزگە وقۋ ورىندارىمەن سالىستىرىپ، قاي باعىتتا جۇمىس ىستەۋ قاجەتتىگىن ۇعىنادى. وسىلايشا، ستراتەگيالىق جوسپارلارىنا، دەربەس قىزمەتتەرىنە وزگەرىس ەنگىزىپ، ۇلتتىق رەيتينگ ناتيجەسىن جاقسارتا الادى»، - دەدى ءبىلىم بەرۋ ساپاسىن قامتاماسىز ەتۋ جونىندەگى تاۋەلسىز اگەنتتىك پرەزيدەنتى شولپان قالانوۆا جۋرناليستەرگە بەرگەن سۇحباتىندا.

ҚазақстандаÒ

ونىڭ ايتۋىنشا، كەلەسى جىلى ۇلتتىق رەيتينگ قۇرامىنا جاڭا كورسەتكىشتەر قوسىلادى.

«قازىر ۋنيۆەرسيتەتتەردىڭ الەۋمەتتىك جاۋاپكەرشىلىگىن كوتەرۋگە ەرەكشە ءمان بەرىلىپ وتىر. كەلەسى جىلى ۇلتتىق رەيتينگ ادىستەمەسىنە كىشىگىرىم وزگەرىس ەنگىزىپ، ۋنيۆەرسيتەتتەردىڭ الەۋمەتتىك جاۋاپكەرشىلىگىن باعالايتىن ينديكاتورلار قوسامىز. بۇگىندە جاھاندىق ءۇش رەيتينگ الەۋمەتتىك جاۋاپكەرشىلىك كورسەتكىشىن قوسىپ ۇلگەردى. جانە وسى رەيتينگتەردىڭ ناتيجەسى بويىنشا، الەۋمەتتىك جاۋاپكەرشىلىك ينديكاتورىنىڭ ۋنيۆەرسيتەتتى جەرگىلىكتى دامىتۋعا، ستۋدەنتتەر مەن سيفرلىق تەحنولوگيالاردىڭ قوعام دامۋىنا ىقپال ەتەتىنى انىقتالدى»، - دەدى اگەنتتىك پرەزيدەنتى.

ҚазақстандаÒ

ايتا كەتەيىك، قازاقستانداعى ەڭ ۇزدىك ج و و- لاردىڭ ۇلتتىق رەيتينگى 2008 -جىلدان بەرى وتكىزىلۋدە. بيىل 11- ۇلتتىق رەيتينگ ءوتتى.

 «ۇزدىك كوپسالالى ۋنيۆەرسيتەتتەر» اتالىمى بويىنشا ءال- فارابي اتىنداعى قازاق ۇلتتىق ۋنيۆەرسيتەتى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى، ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتى جانە م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى كوش باستادى. ودان بولەك، س. تورايعىروۆ اتىنداعى پاۆلودار مەملەكەتتىك ۋنيۆەرسيتەتى، ق. ا. ياساۋي اتىنداعى حالىقارالىق قازاق- تۇرىك ۋنيۆەرسيتەتى، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى مەن م. ح. دۋلاتي اتىنداعى تاراز مەملەكەتتىك ۋنيۆەرسيتەتى ۇلتتىق رەيتينگ سەرتيفيكاتتارىن الدى.

ҚазақстандаÒ

«ۇزدىك ونەر ۇجىمدارى» نوميناتسياسى بويىنشا قازاق ۇلتتىق ونەر ۋنيۆەرسيتەتى مەن قازاق ۇلتتىق حورەگرافيا اكادەمياسى ۇزدىك دەپ تانىلدى. «ۇزدىك تەحنيكالىق ۋنيۆەرسيتەتتەر» اتالىمىندا 1, 2, 3 ورىندارى Satpayev University جەڭىپ الدى. ءتورتىنشى ورىن قازاق ۇلتتىق اگرارلىق ۋنيۆەرسيتەتىنە، بەسىنشى ورىن - الماتى ەنەرگەتيكا جانە بايلانىس ۋنيۆەرسيتەتىنە بەرىلدى.

 «ۇزدىك گۋمانيتارلىق- ەكونوميكالىق ۋنيۆەرسيتەتتەر» اتالىمىندا ءبىرىنشى ورىن كيمەپ، ەكىنشى ورىندى - «قازتۇتىنۋ وداعى» قاراعاندى ەكونوميكالىق ۋنيۆەرسيتەتى، ءۇشىنشى ورىندى - الماتى مەنەدجمەنت ۋنيۆەرسيتەتى يەلەندى.

«ۇزدىك مەديتسينالىق مەكتەپ» نوميناتسياسى بويىنشا، س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى، سەمەي مەديتسينالىق ۋنيۆەرسيتەتى وزىپ شىقتى. «ۇزدىك پەداگوگيكالىق جوعارى وقۋ ورىندارى» باعىتىندا ءبىرىنشى ورىندى اباي اتىنداعى قازاق ۇلتتىق پەداگوگيكالىق ۋنيۆەرسيتەتى، ەكىنشى ورىندى - قازاق ۇلتتىق قىزدار پەداگوگيكالىق ۋنيۆەرسيتەتى جانە ءۇشىنشى ورىندى - تاراز مەملەكەتتىك پەداگوگيكالىق ۋنيۆەرسيتەتى الدى.

اۆتور: ايجان سەرىكجان قىزى

سوڭعى جاڭالىقتار