كاسىپقوي بوكس: قىتايداعى قانداسىمىز چەمپيوندىق تيتۋلىن قورعاپ قالدى

نۇر- سۇلتان. قازاقپارات - جەڭىل سالماقتا (50.8 ك گ) جۇدىرىقتاساتىن ۇلتى قازاق قىتايلىق كاسىپقوي بوكسشى ۇلان تولەعازى ۇلى (12-3-1,5 ك و) فۋچجوۋ قالاسىندا كەزەكتى جەكپە- جەگىن وتكىزدى، دەپ حابارلايدى قازاقپارات.

sports.qq.com پورتالىنىڭ حابارلاۋىنشا، ۇلان تولەعازى ۇلى كاسىپقوي بوكستاعى 16-جەكپە- جەگىندە فيليپيندىك بوكسشى اردين ديالمەن قولعاپ ءتۇيىستىرىپ، 12 راۋند قورتىندىسى بويىنشا تورەشىلەر شەشىمىمەن جەڭىسكە جەتتى.

سونداي- اق، قانداسىمىز ناۋرىز ايىندا جەڭىپ العان WBA تۇجىرىمى بويىنشا حالىقارالىق چەمپيون تيتۋلىن (WBA International Flyweight Title) ءساتتى قورعاپ قالدى.

ايتا كەتەيىك، ۇلان تولەعازى ۇلى ەڭ جەڭىل سالماقتا (50.8 ك گ) WBC تۇجىرىمى كۇمىس بەلدىگى (WBC Silver Flyweight Title) جانە WBO تۇجىرىمى ازيا- تىنىق مۇحيت چەمپيونى (WBO Asia Pacific Flyweight Title) بەلدىكتەرىنىڭ يەگەرى. ول وسى سالماقتاعى الەمدىك رەيتينگتە 9- ورىندا تۇر.

اۆتور: مۇحتار قاليموللا ۇلى