+7 (701) 759 90 19
-2 °С : نۇر-سۇلتان
0 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

سىر بويىنان سەگىز قىرلى ەرەكشە كونە عيماراتتىڭ ورنى تابىلدى

27 مامىر 18:48
:ءبولىسۋ

نۇر-سۇلتان. قازاقپارات - سىر وڭىرىندەگى قىشقالا قالاشىعانان ەرەكشە ساۋلەتتى سەگىز قىرلى كونە عيماراتتىڭ ورنى ارشىلدى. بۇل نىساندى عالىمدار مەدرەسە دەپ جورامالداپ وتىر.


سىر بويىنان سەگىز قىرلى ەرەكشە كونە عيماراتتىڭ ورنى تابىلدى

اۋماعى 30 گەكتارعا جۋىقتايتىن ارحەولوگيالىق قازبا الاڭىنان تابىلعان قىزىقتى جادىگەرلەر ولكەن جاڭالىق ەكەنى ءسوزسىز.

XIII- XV عاسىرلاردا تىرشىلىگى قايناعان قىشقالا قىزىلوردا وبلىسىنىڭ قوعالىكول اۋىلىنىڭ ماڭىنان ارشىلىپ جاتىر. قۇم قويناۋىنا بويلاعان سايىن ارحەولوگتاردى ءتۇرلى جادىگەرلەر تامساندىرا تۇسۋدە. ماسەلەن، مىنا سەگىز قىرلى عيمارات سول داۋىردەگى ساۋلەت ونەرىنىڭ ەرەكشە ۇلگىسىنە جاتادى، - دەيدى عالىمدار.

سىرىم ەسەنوۆ، ق ر ۇلتتىق مۋزەيىنىڭ عىلىمي قىزمەتكەرى:

- ارينە عيماراتتىڭ ساۋلەتى وتە ەرەكشە. بۇل ءتىپتى قازاقستاندا انالوگى جوق دەۋگە بولادى. سەبەبى ءدال وسى 8 قىرلى، ىشىنە قاراي قايتادان 8 قىرلى بولمەلەر سالۋ، ونىڭ ورتاسىنا 8 قىرلى ەدەندەلگەن اسەم عيمارات سالىپ، ونىڭ ورتاسىنا باعاندار تۇرعىزىپ، 4 جەرىنەن سالۋ ازىرگە ءبىز كەزدەستىرە قويعان جوقپىز.

مۇنداعى عيماراتتاردىڭ بەزەندىرىلۋى احمەت ياسساۋي كەسەنەسىنەن كەم تۇسپەيتىنىن ايتادى ماماندار. قىشتاعى ويۋلاردان اراب جازۋلارىمەن قاتار، قازاقى ورنەكتەردى دە كورۋگە بولادى. گلازۋرلەنگەن كۇمبەز سىنىقتارى، ءتۇرلى ءتۇستى بوياۋدىڭ پايدالانىلۋى قالانىڭ اسەم كەلبەتىن ايشىقتاي تۇسەدى.

عالىمجان سادىقوۆ، وبلىستىق تاريحي جانە مادەني ەسكەرتكىشتەردى قورعاۋ مەكەمەسىنىڭ ءبولىم باسشىسى:

- ەندى بۇل قىشقالا قالاشىعى وسى ۋاقىتقا دەيىن تەك 90- جىلدارى اۋەسقوي قازبا جۇمىستارى رەتىندە عانا جۇرگىزىپ كەلىپ، تىڭعىلىقتى زەرتتەۋ جۇمىستارى جۇرگىزىلمەگەن. كەشەندى تۇردە قازبا جۇمىستارى باستالىپ، بۇل قالاشىقتى زەرتتەۋدە، تاريحىن انىقتاۋدا سىرداريانىڭ تومەنگى اعىسىنداعى ورتاعاسىرلىق قالالاردىڭ تاريحىن اشۋدى ۇلكەن مۇمكىندىك بەرەدى.

بۇل قازبا جۇمىستارى. ەل اۋزىنداعى اڭىزداردا الپامىس باتىردىڭ جارى گۇلبارشىن مەكەن ەتكەن قالانىڭ گەوگرافيالىق سيپاتى دا وسى ماڭعا ۇقساس كەلەدى ەكەن. مۇنداي بولجامدى قالا اۋماعىنان ارشىلعان قۇندى جادىگەرلەر دە ناقتىلاي تۇسكەنگە ۇقسايدى. دەمەك تالاي سىردى بۇككەن قىشقالانىڭ بايىرعى بارشىنكەنت بولۋى دا عاجاپ ەمەس.

www.24.kz


باستى سوزدەر: قازاق ةلئ, قازاق تاريحئ,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات