قازاقستاننان موڭعولياعا ماۋسىم ايىنان باستاپ تۇراقتى اۋە رەيسى اشىلادى

 نۇر- سۇلتان. قازاقپارات - 2019 -جىلدىڭ 3 - ماۋسىمىنان باستاپ قازاقستان جانە موڭعوليا استانالارىنىڭ اراسىندا تۇراقتى رەيس اشىلادى، دەپ حابارلايدى قازاقپارات ءتىلشىسى.

تىكەلەي رەيستى «SCAT» اۋە كومپانياسى ىسكە قوسپاق.

 «جاڭا حالىقارالىق اۋە رەيسىنىڭ اشىلۋى ەكى ەل اراسىنداعى ەكونوميكالىق بايلانىستار مەن ءتۋريزمدى دامىتۋعا، مادەني- گۋمانيتارلىق قاتىناستاردى نىعايتۋعا باعىتتالعان. بۇل رەيس ەكى ەل بيزنەس نىساندارىنىڭ اراسىنداعى ىسكەرلىك بايلانىستى دا نىعايتۋعا ىقپال ەتەدى» ، - دەدى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.

مينيسترلىك وكىلىنىڭ ايتۋىنشا، تۇراقتى رەيستەر ءار بەيسەنبى مەن جەكسەنبى كۇندەرى قاتىنايدى.

«ۇشۋ ۋاقىتى ءبىر باعىتقا 3 ساعات بولماق. اۋە رەيسى «Boing-737» ۇشاعى ارقىلى جاسالادى» ، - دەدى ايبەك سمادياروۆ.