ارمەنيانى ارالاۋ ءۇشىن قازاقستاندىق تۋريستەر نەنى بىلگەنى ءجون؟

None
None
نۇر-سۇلتان. قازاقپارات - «ارمەنياعا باردىڭ با، ارارات تاۋىن كوردىڭ بە» دەسەدى ەكەن سەيىلدى ۇناتاتىن ساياحاتشىلار.

 قازاق ەلىنەن كەلەتىن تۋريستەر ارميان جەرىندە ەندى ەسەلەنىپ كەلەدى. مىسالى بىلتىر ارمەنيادا ساياحاتشىلاردىڭ سانى 26 مىڭ بولسا، بيىل شەكارا قىزمەتىنىڭ مالىمەتى وزگە دەرەكتى تىركەيتىن سەكىلدى. جىل باسىنان باستاپ ارمەنياعا كەلگەن قازاقستاندىق تۋريستەردىڭ سانى 10 مىڭعا جەتتى.

 مۇنداي كورسەتكىش بۇرىن سوڭدى تىركەلگەن ەمەس. ەكى مەملەكەتتىڭ 2006 -جىلى جاساسقان كەلىسىمىنە ساي، ارمەنيا تابالدىرىعىن ءتولقۇجاتى بار ازاماتتار عانا اتتاي الادى.

 ا ر  ۇ ق ق شەكارا اسكەرى جاساعى باسشىسىنىڭ ءبىرىنشى ورىنباسارى:

 - شەكارادا كامەلەت جاسقا تولماعان بالالار اتا- اناسىنىڭ بىرىمەن عانا جۇرسە، ولاردا سەنىمحاتتىڭ بولۋى شارت ەمەس. الايدا ەلگە كىرۋ ءۇشىن مىندەتتى تۇردە ءتولقۇجاتتىڭ بولۋى كەرەك. ونسىز كامەلەت جاسقا تولماعاندار شەكارا اسا المايدى.

 شەكارا قىزمەتكەرلەرى شەتەل ازاماتتارىنان بۇل ەلگە كەلۋىنىڭ سەبەبىن ءبىلۋ ماقساتىندا مەرزىمى مەن ورنالاساتىن جەرىن ناقتى ءبىلۋ ءۇشىن سان الۋان سۇراقتار قويۋى مۇمكىن. سونىمەن قاتار ساياحاتشى ەل شەكاراسىن كەسپەي تۇرىپ، قانداي زاتتاردى الىپ وتۋگە بولاتىنى جانە تىيىم سالىنعانى جونىندە ماعلۇمات العانى ابزال.

ا ر ۇ ق ق شەكارا اسكەرى جاساعى باسشىسىنىڭ ءبىرىنشى ورىنباسارى:

- ەلدەن كەز كەلگەن قارۋ ءتۇرىن، اسكەري تەحنيكا مەن وعان قوسالقى بولشەكتەرىن شىعارۋعا تىيىم سالىنعان. سونداي- اق ەسىرتكىلىك اسەرى بار زاتتار، قۇرامىندا ەسىرتكىسى بار ءدارى- دارمەك جانە مادەني قۇندىلىعى بار زاتتاردى ەلدەن شىعارمايدى. شەتەل ازاماتى انتيكۆار بۇيىمدارىن ساتىپ الاتىن بولسا، الدىن الا مادەنيەت مينيسترلىگىنە بارىپ، بۇل زاتتىڭ مادەني قۇندىلىعى جوق ەكەنىن راستايتىن انىقتاما الۋى كەرەك. جەرگىلىك تۋريستىك كومپانيالار ساياحاتشىلارعا تەگىن پۋلپۋلاكي اۋىز سۋىنان ءدام تاتۋعا كەڭەس بەرەدى. ول - قالانىڭ كەز كەلگەن كوشەلەرىندە شۇمەكتەن اعىپ تۇرعان تازا بۇلاق سۋى.

ماكسيم گريگوريان، گ ي د:

- تۇرعىنداردىڭ باسىم كوپشىلىگى ورىس ءتىلىن بىلەدى. ءاردايىم كومەك بەرۋگە دايىن. سوندىقتان قالادا جوعالىپ كەتۋ مۇمكىن ەمەس. ەريەۆان الەمدەگى ەڭ قاۋىپسىز استانالاردىڭ قاتارىندا. تۇنگى 11-12-ىلەردىڭ كەزىندە كوشەدە بالالار ەمىن ەركىن ويناپ جۇرەدى. ال ءسىز تۋريست بولساڭىز، جەرگىلىكتى تۇرعىنداردىڭ تاراپىنان قوناققا دەگەن سىي قۇرمەت پەن قامقورلىق ەكى ەسەلەنەدى.

قازاقستان ازاماتى ارمەنيادا 90 كۇنگە دەيىن قوناق بولۋعا قۇقىلى. ال اقشا ايىرباستاعىسى كەلسە، تەڭگەنى جەرگىلىكتى درامعا ەش قيىندىقسىز اۋىستىرا الادى.

www.24.kz

سوڭعى جاڭالىقتار