ەلوردالىقتار گاز قىزمەتىن شاقىرعانى ءۇشىن اقى تولەمەيتىن بولادى
نۇر- سۇلتان اكىمدىگى سايتىنداعى اقپاراتقا سايكەس، قالالىق قورشاعان ورتا ساپاسى جانە باقىلاۋ باسقارماسى، «استاناگازقىزمەت» ج ش س جانە «بايتەرەك» پ ي ك قاۋىمداستىعى اراسىندا گاز تاراتۋ جۇيەلەرىنىڭ ءقاۋىپسىز جۇمىس ىستەۋىن قامتاماسىز ەتۋ تۋرالى مەموراندۋمعا قول قويىلدى. تاراپتار سۇيىتىلعان گازدى ورتالىقتاندىرىلعان تۇردە جەتكىزۋمەن بايلانىستى كوپ پاتەرلى تۇرعىن ۇيلەردەگى گازدى تاراتۋشى جۇيەلەردىڭ ءقاۋىپسىز جۇمىسىن قامتاماسىز ەتۋى ءتيىس.
كەلىسىم اياسىندا «استاناگازقىزمەت» ج ش س ۇيدەگى گاز جەلىلەرىن كومپانيا بالانسىنا بەرۋ ساتىنەن باستاپ «104» شۇعىل جەلىسى ارقىلى تۇرعىنداردىڭ وتىنىشتەرىنە تاۋلىك بويى اقىسىز قىزمەت كورسەتۋدى مىندەتىنە الدى. وسى ۋاقىتقا دەيىن تۇرعىندار وسى قىزمەت ءۇشىن 5 مىڭ تەڭگە تولەپ كەلگەن بولاتىن. بۇدان بولەك، «استاناگازقىزمەتى» قالانىڭ بارلىق كوپپاتەرلى تۇرعىن ۇيلەرىنە كىرەتىن گاز تاراتۋ جۇيەلەرىنە قىزمەت ەتەدى. قاجەت بولعان جاعدايدا كىرەبەرىس گاز قۇبىرلارىنىڭ كراندارىن اۋىستىرۋدى جۇزەگە اسىرادى.