ق ر پرەزيدەنتى ءۇندىستاننىڭ پرەمەر- مينيسترىنە قۇتتىقتاۋ جەدەلحاتىن جولدادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ءۇندىستاننىڭ پرەمەر- ءمينيسترى لاۋزىمىنا قايتا سايلانعان نارەندرا موديعا قۇتتىقتاۋ جەدەلحاتىن جولدادى، دەپ حابارلايدى اقوردا.

 مەملەكەت باسشىسى جەدەلحاتتا نارەندرا موديدى قازاقستان حالقىنىڭ جانە جەكە ءوزىنىڭ اتىنان ءۇندىستان رەسپۋبليكاسىنىڭ پرەمەر- ءمينيسترى لاۋازىمىنا قايتا سايلانۋىمەن قۇتتىقتاپ، بحاراتيا دجاناتا پارتياسىنىڭ باسىم جەڭىسى، ءۇندىستان حالقىنىڭ وعان دەگەن سەنىمى مەن قولداۋىن كورسەتەتىنىن ايتقان.

 «ءسىزدىڭ كوشباسشىلىعىڭىز بەن قابىلەتىڭىزدىڭ ارقاسىندا ءۇندىستان ءوزىنىڭ الەۋمەتتىك- ەكونوميكالىق دامۋىندا جاڭا جەتىستىكتەرگە جەتىپ، حالىقارالىق بەدەلىن نىعايتا تۇسەدى دەپ سەنەمىن. قازاقستان مەن ءۇندىستاننىڭ دوستاس حالىقتارىنىڭ يگىلىگى ءۇشىن ستراتەگيالىق ىنتىماقتاستىعىمىزدى تەرەڭدەتە بەرۋگە دايىن ەكەنىمىزدى جەتكىزەمىن»، - دەلىنگەن جەدەلحاتتا.

 سوڭىندا قاسىم- جومارت توقايەۆ ءۇندىستان پرەمەر- ءمينيسترىنىڭ قىزمەتىنە تابىس، حالقىنا بەيبىت ءومىر مەن بەرەكە تىلەدى.