جەتىساي اۋدانىندا قاۋىن ءپىسىپ، ساۋداعا شىعارىلا باستادى
ديقان عابيت سابدەنوۆ الداعى ەكى- ءۇش كۇندە تاعى دا 90 توننا قاۋىندى ماسكەۋ قالاسىنىڭ ساۋدا ورتالىقتارىنا اتتاندىرماق. بيىل 30 گەكتارعا قاۋىن ەككەن شارۋا قوجالىعىنىڭ جۇمىسىمەن جەتىساي اۋدانىنىڭ اكىمى جامانتاي بەيسەنبايەۆ ارنايى بارىپ تانىسىپ، شارۋالارمەن سويلەسىپ قايتتى.
ديقانداردىڭ ايتۋىنشا، بيىل ەگىستىك جۇمىستارى جىلداعىدان ەرتە باستالعان. 8 - ناۋرىز كۇنى 30 گەكتار ەگىستىك القاپقا قاۋىننىڭ 250 مىڭ ءتۇپ كوشەتى وتىرعىزىلىپ، باقشا ءونىمى 70 كۇن ارالىعىندا جەتىلىپ شىققان. ونىڭ 15 گەكتارىن «F-1 داكارا»، 15 گەكتارىن «ايەروپورت» سورتى قۇرايدى. ەندى بىرەر كۇندە جەتىسايلىق ديقاندار العاشقى قاربىزدارىن رەسەي ەلىنە جونەلتۋدى جوسپارلاپ وتىر. قازىردىڭ وزىندە ساتىپ الۋشىلار ەگىستىك القاپ باسىندا ارتۋ جۇمىستارىنا ازىرلەنۋ ۇستىندە.
ايتا كەتەيىك، بيىل جەتىساي اۋدانىندا 15 مىڭ گەكتاردان استام جەرگە قاۋىن- قاربىز ەگىلگەن. ونىڭ 8 مىڭ گەكتاردان استامىن قاۋىن داقىلى قۇرايدى.
اۆتور: اينۇر اقبايەۆا