قوستانايدا مىڭنان استام كاسىپكەر بيزنەس اشپاق
وبلىس اكىمدىگى اۋىل شارۋاشىلىعى جانە جەر قاتىناستارى باسقارماسىنىڭ باسشىسى جانسۇلتان تاۋكەنوۆ ايتقانداي، وسى جىلى «باستاۋ بيزنەس» جوباسىنا قاتىسۋشىلاردىڭ قاتارى ارتقان. قازىرگە دەيىن كاسىپكەرلەر پالاتاسى 1140 ادامدى كاسىپكەرلىك نەگىزدەرىنە وقىتپاق. سونداي- اق، جەرگىلىكتى بيۋدجەتتەن «قازاگروگارانت» اق فيليالىنا شاعىن نەسيە بەرۋ ءۇشىن 252,8 ميلليون تەڭگە ءبولىندى.
«بيىل وبلىستىڭ شاعىن جانە ورتا بيزنەس سۋبەكتىلەرىن شاعىن نەسيەلەۋ قۇنى ءوسىپ، 2,6 ميلليارد تەڭگەگە جەتتى. قارجى اۋىل شارۋاشىلىعىن قارجىلاي قولداۋ قورى جانە اگرارلىق نەسيە كورپوراتسياسى ينستيتۋتتارى اراسىندا ءبولىندى. بولىنگەن قاراجات بويىنشا اۋىل شارۋاشىلىعى مينيسترلىگى ءتيىستى ينديكاتيۆتەردى بەلگىلەدى. جىل سوڭىنا دەيىن 396 شاعىن نەسيە بەرىلىپ، 79 ستارتاپ جوبا ىسكە اسىرىلادى. بۇعان جاس كاسىپكەرلەر دە قاتىسا الادى. بۇل شاعىن نەسيە الۋشىلاردىڭ ءتىزىمىن كەڭەيتۋگە مۇمكىندىك بەرەدى» ، - دەيدى جانسۇلتان تاۋكەنوۆ.
ال ارحيمەد مۇحامبەتوۆ جاس كاسىپكەرلەردى جان- جاقتى قولداۋدى تاپسىردى. ولار قازىردەن باستاپ ءتيىمدى مەملەكەتتىك باعدارلامالارعا قاتىسۋى ءتيىس. ءوڭىر باسشىسى قاتىسۋشىلارعا كرەديت بەرۋ وڭىرلەردىڭ ماماندانۋ كارتاسىنا سايكەس جۇزەگە اسىرىلاتىنىن ايتتى.
«قارجى ينستيتۋتتارى بۇگىندە 1 ميلليارد تەڭگە سوماسىنا 254 ءوتىنىمدى قابىلداپ، 204 كاسىپكەرگە قارجى ءبولدى. كاسىپكەرلەردى قارجىلاندىرۋ جۇمىستارى امانگەلدى، فەدوروۆ جانە قاراسۋ اۋداندارىندا بەلسەندى ىسكە اسۋدا. بۇل باعىتتا مەڭدىقارا، سارىكول، التىنسارين جانە جانگەلدين اۋداندارىنىڭ كورسەتكىشتەرى تومەن» ، - دەپ ءتۇسىندىردى ج. تاۋكەنوۆ.