اۋەجايداعى وقيعا: «دوس- مۇقاسان» انسامبلى انشىسىنە ايىپپۇل سالىندى
بۇل تۋرالى نۇر-سۇلتان قالالىق سوتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتى انىقتالعان فاكتىنى ۇساق بۇزاقىلىققا جاتقىزىپ، مۇرات قۇسايىنوۆقا 5 ا ە ك كولەمىندە، ياعني 12625 تەڭگە سوماسىنا اكىمشىلىك ايىپپۇل بەلگىلەدى»، - دەلىنگەن حابارلامادا.
نۇر-سۇلتان قالالىق سوتىنىڭ مالىمەتىنشە، م. قۇسايىنوۆ ەلورداداعى حالىقارالىق اۋەجايداعى تەكسەرۋ شارالارىنان ءوتۋ كەزىندە كەدەندىك تەكسەرىس قىزمەتكەرلەرىنە قاتىستى بالاعات ءسوز ايتقان.
سوت قاۋلىسى زاڭدى كۇشىنە ەنگەن جوق.
ەسكە سالا كەتەيىك، بيىل ءساۋىر ايىندا «ەير استانا» كومپانياسى پوليتسياعا «دوس- مۇقاسان» انسامبلىنىڭ بەلگىلى ءانشىسى مۇرات قۇسايىنوۆ ءوز قىزمەتكەرىنە قول كوتەردى دەپ شاعىم ءتۇسىردى.
بۇل وقيعا 14 -ساۋىردە «نۇر- سۇلتان- الماتى» باعىتىنداعى ك س852 رەيسىندە بولعان ەدى. كەيىننەن م. قۇسايىنوۆ بۇقارالىق اقپارات قۇرالدارىندا وسى جاعدايعا قاتىستى ءوزىنىڭ پىكىرىن ايتقان بولاتىن.