14:01, 27 - مامىر 2019 | GMT +6
قىرعىزستاندا سىنالعان ەكى مينيستر ءوز ەركىمەن وتستاۆكاعا كەتتى
نۇر-سۇلتان. قازاقپارات - 27 -مامىردا قىرعىزستان پرەزيدەنتى سوورونباي جەەنبەكوۆ ەلدىڭ ەكونوميكا ءمينيسترى ولەگ پانكراتوۆ پەن اۋىل شارۋاشىلىعى، تاماق ونەركاسىبى جانە مەليوراتسيا ءمينيسترى نۋربەك مۋراشەۆتىڭ وتستاۆكا كەتۋ تۋرالى وتىنىشتەرىن قابىلدادى.
بۇل تۋرالى قىرعىزستان پرەزيدەنتىنىڭ اپپاراتى حابارلادى.
مينيسترلەردى قىزمەتىنەن بوساتۋ تۋرالى ۇسىنىستى وتكەن اپتادا ەلدىڭ پرەمەر-ءمينيسترى مۋحاممەدكالي ابىلگازيەۆ ەنگىزگەن.
پانكراتوۆ پەن مۋراشەۆ وتستاۆكاعا كەتۋ تۋرالى ءوتىنىشتى وزدەرى تۇسىرگەن. 2018 -جىلى كوكتەمدە قىزمەتىنە كىرىسكەن ەكونوميكا ەكس-ءمينيسترى قىزمەتىنە قاتىستى ايتىلعان سىننان سوڭ وسىنداي شەشىم قابىلداعانىن حابارلاعان. مۋراشەۆتى دا شارۋالار ەلدە كارتوپ ساتۋ ماسەلەسىن شەشە الماعانى ءۇشىن سىنعا العان.
«ازاتتىق»