دانيار ەلەۋسىنوۆتىڭ كەلەسى جەكپە-جەگى قاشان وتەدى

نۇر-سۇلتان. قازاقپارات - قازاقستاندىق كاسىپقوي بوكسشى دانيار ەلەۋسىنوۆتىڭ (7-0، 3 ك و) مەنەدجەرى زيا اليەۆ بوكسشىنىڭ الداعى جەكپە-جەگى تۋرالى ايتتى، دەپ حابارلايدى قازاقپارات Sports.kz-كە سىلتەمە جاساپ.

«مەن پروموۋتەرلەرمەن سويلەستىم، شوۋ 27 -شىلدەدە بولادى. ونىڭ قايدا وتەتىنىن ازىرشە بىلمەيمىن، ءبىراق دانياردىڭ وسى كۇنى رينگكە ورالاتىنى انىق»، - دەيدى اليەۆ.

«ول نيۋ-يورك نەمەسە كاليفورنيادا جەكپە-جەك وتكىزگىسى كەلە مە؟»، - دەگەن سۇراققا مەنەدجەر وڭ جاۋاپ قاتتى.

«ءيا، وندا تۇراتىن قازاقستاندىقتار بارشىلىق. بۇل ونىڭ سۋپەرجۇلدىزعا اينالۋىنا تاماشا پلاتفورما بولۋشى ەدى. دانياردىڭ ول جاقتا كەزدەسۋ وتكىزگىسى كەلەدى»، - دەدى زيا اليەۆ.

ەسكە سالا كەتەيىك، سوڭعى جەكپە-جەگىندە دانيار ەلەۋسىنوۆ چيلي بوكسشىسى لۋيس نورامبۋەنانى (3-2-1، 0 ك و) تورەشىلەردىڭ ءبىراۋىزدان قابىلداعان شەشىمىمەن جەڭگەن بولاتىن.