داۋرەن نۇرالينوۆ «حالىق بارىسى» اتاندى
اتالعان كۇرەس تۇرىنەن باق سىناۋعا قازاقستاننىڭ بارلىق ايماعىنان 1 مىڭعا جۋىق بالۋان كەلدى. جارىستىڭ ءبىرىنشى كۇنى ولار ىرىكتەۋ كەزەڭىنەن ءوتتى. ال تۋرنيردىڭ ەكىنشى كۇنى 32 بالۋان ءوزارا كۇش ءسىناستىۇ
I ورىن يەلەنگەن داۋرەن نۇرالينوۆقا (الماتى قالاسى) 9 ميلليون تەڭگە، ديپلوم، مەدال، شاپان سىيعا تارتىلدى. جاتتىقتىرۋشىسى قيقىموۆ ماقساتقا 1 ميلليون تەڭگە بەرىلدى.
Ⅱ ورىن العان تالعات جيەنتايەۆقا (قوستاناي وبلىسى) 4,5 ميلليون تەڭگە، ديپلوم، مەدال، شاپان سىيعا تارتىلدى. جاتتىقتىرۋشىسى جيەنتايەۆ توقتارعا 500 مىڭ تەڭگە بەرىلدى.
Ⅲ ورىنداعى عالىمجان قىرىقبايەۆقا (جامبىل وبلىسى) 2,7 ميلليون تەڭگە، ديپلوم، مەدال، شاپان سىيعا تارتىلدى. جاتتىقتىرۋشىسى اقبەرگەنوۆ باحتيارعا 300 مىڭ تەڭگە تابىستالدى.
IV ورىنداعى ەرنار ماعاۋينوۆ (الماتى قالاسى) 1,8 ميلليون تەڭگە، ديپلوم، مەدال، شاپان سىيعا تارتىلدى. جاتتىقتىرۋشىسى ناسيەۆ ەرمەك، 200 مىڭ تەڭگە بەرىلدى.
ەكىنشى رەت وتكەن «حالىق بارىسى» تۋرنيرىندە «رۋحاني جاڭعىرۋ» ماقالاسىن ىسكە اسىرۋ ماقساتىندا ۇمىت قالعان كونە بالۋاندىق ونەرىمىز «بەلدەسۋ» سپورت ءتۇرىن قايتا جاڭعىرتۋدى جۇزەگە اسىرۋ، جاستاردى سپورتقا تارتۋ، قازاق حالقىنىڭ ۇلتتىق سپورت تۇرلەرىن ناسيحاتتاپ، سپورتتىق سالت-ءداستۇرىن ساقتاۋعا جۇمىلدىرۋ ماقساتىندا ۇيىمداستىرىلدى.
حالىق اراسىنان شىعاتىن بارىستى انىقتاۋ شاراسىن ق ر مادەنيەت جانە سپورت مينيسترلىگى، قر قازاق كۇرەسى فەدەراتسياسى جانە «قازاقستان بارىسى» قازاق كۇرەسىن دامىتۋ قورى الماتى قالاسى اكىمدىگىنىڭ قولداۋىمەن وتكىزدى.
كۇرەس مەرەكەسىنە ق ر مادەنيەت جانە سپورت ۆيتسە- ءمينيسترى ە. رامازانوۆ، الماتى قالاسىنىڭ اكىمى ب. بايبەك، ماسكەۋ وليمپياداسىنىڭ جەڭىمپازى ج. ۇشكەمپىروۆ، ق ر ەڭبەك سىڭىرگەن سپورت قايراتكەرى د. بيتكوزوۆ، ق ر قازاق كۇرەسى فەدەراتسياسىنىڭ پرەزيدەنتى ا. شورايەۆتار قاتىستى.
سونداي-اق، شارا بارىسىندا «الاش ۇلى»، « ۇلىتاۋ»، «تۇران»، «الداسپان» توپتارى ونەر كورسەتىپ، ۇلتتىق قۇندىلىقتار مەن اتريبۋتتار ناسيحاتتالاتىن تەاترلاندىرىلعان شوۋ جانە اكروباتيكالىق كورسەتىلىمدەر، ات ۇستىندەگى ۇلتتىق سپورت تۇرلەرىنىڭ ەرەكشەلىكتەرى، سەمسەرلەسۋ كورسەتىلدى.