پويىزدا «تىرىسقاق» انىقتالدى: اتىراۋدا جولاۋشى شۇعىل قاۋىپسىز جەرگە شىعارىلدى
«اتىراۋ- ماڭعىستاۋ» پويىزىنان جولاۋشىنى قاۋىپسىز جەرگە كوشىرۋ» اسا قاۋىپتى جانە كارانتيندىك ينفەكسيالىق اۋرۋلارعا» ارنالعان وقۋ-جاتتىعۋ اياسىندا جۇزەگە اسىرىلدى. سەناريگە سايكەس، اتىراۋ تەمىرجول ۆوكزالىندا وقۋ-جاتتىعۋ شاراسىن وتكىزۋ بارىسىندا №314 «ماڭعىستاۋ- اتىراۋ» پويىزىنا تىرىسقاق جۇقپالى اۋرۋىن جۇقتىرۋ كۇدىگىنە ىلىككەن جولاۋشىنىڭ بار ەكەندىگى انىقتالدى.
«وقۋ-جاتتىعۋى بارىسىندا كارانتيندىك اۋرۋلار، ونىڭ ىشىندە تىرىسقاق انىقتالعان جاعدايدا جەدەل الدىن الۋ جانە ەپيدەمياعا قارسى شارالاردى ۇيىمداستىرۋ جۇزەگە اسىرىلدى. اۋرۋدىڭ تارالۋ وشاعىن جويۋ ماماندارىنىڭ، تەمىرجول قىزمەتتەرىنىڭ ءوزارا ءىس-قيمىلدارى تەكسەرىلدى. سونىمەن قاتار مەديتسينا ۇيىمدارىنىڭ اۋرۋدى انىقتاۋ، اۋرۋحاناعا جونەلتۋ، كۇدىكتى ادامداردان زەرتتەۋگە ماتەريالدار الۋ، كۇدىكتىمەن بايلانىستى بولعان ادامداردى وقشاۋلاۋ، كارانتيندىك- شەكتەۋ شارالارىن ۇيىمداستىرۋى پىسىقتالدى»، - دەلىنگەن اتىراۋ وبلىستىق قوعامدىق دەنساۋلىقتى قورعاۋ دەپارتامەنتى تاراتقان اقپاراتتا.
وقۋ-جاتتىعۋعا تارتىلعان بارلىق مەكەمەلەر مەن قۇزىرەتتى ورگاندار جۇكتەلگەن مىندەتتى تىڭعىلىقتى ورىنداپ شىقتى.
اۆتورى ا. سوكولوۆ