فرانسيادا قازاقتار تارتىستى كوكپاردى كورسەتتى

بريۋسسەل- پاريج. قازاقپارات - جەكسەنبى كۇنى قازاقستاننىڭ كوكپاردان جاستار ليگاسى فرانسياداعى كورەرمەندەرگە كوكپار ويناۋدى كورسەتتى، دەپ حابارلايدى قازاقپاراتتىڭ مەنشىكتى ءتىلشىسى.

قازاقتىڭ ۇلتتىق سپورتى پاريجدەن 50 شاقىرىم قاشىقتىقتاعى فونتەنبلو قالاسىندا 25-26 -مامىر كۇندەرى وتكەن «تابيعات جانە اڭشىلىق» فەستيۆالى اياسىندا كورسەتىلدى.

كوكپارشىلاردىڭ تارتىستى ويىنى فەستيۆالداعى ەڭ قىزىقتى ساتتەردىڭ ءبىرى بولدى. كورەرمەندەر ۇلتتىق ويىننىڭ ەرەكشەلىگىمەن، شىعۋ تاريحىمەن تانىستى. ولارعا ءبىرقاتار تاكتيكالىق ءادىس پەن تەحنيكالىق ماشىقتاردىڭ قۇپيالارى ءتۇسىندىرىلدى.

2002 -جىلدان بەرى وتكىزىلەتىن فەستيۆال باعدارلاماسىندا كوكپارمەن قاتار، يت جۇگىرتىپ اڭ اۋلاۋ، ساداق اتۋ، اتقا ءمىنۋ ونەرى، سۇڭقار سالۋ، اڭشىلىق كەرنەيشىنىڭ بايقاۋلارى كىردى.

 

اۆتورى تيمۋر دۇيسەكەيەۆ