+7 (701) 759 90 19 Лента
24 °С : استانا
26 °С : الماتى
USD 377.18 EUR 426.14
RUB 5.98 CNY 54.86
جاڭالىقتار

پوليتسيا قىزمەتكەرلەرىنىڭ پاتەر جالداۋىنا وتەماقى بەرىلەدى

26 مامىر 14:33 205
:ءبولىسۋ
پوليتسيا قىزمەتكەرلەرىنىڭ پاتەر جالداۋىنا وتەماقى بەرىلەدى

نۇر-سۇلتان. قازاقپارات - پوليتسيا قىزمەتكەرلەرىنىڭ پاتەر جالداۋىنا وتەماقى ەنگىزىلەدى.

بۇل تۋرالى بۇگىن ق ر ىشكى ىستەر ءمينيسترىنىڭ ورىنباسارى الەكسەي كالايچيدي ايتتى، دەپ حابارلايدى قازاقپارات ءتىلشىسى.

«ءبىز قىزمەتكەرلەردىڭ الەۋمەتتىك قورعالۋىن جانە جالاقىسىن ارتتىرۋ باعىتىندا بايىپتى قادامدارعا بارىپ وتىرمىز. وزدەرىڭىز دە بىلەسىزدەر، 1 -شىلدەدەن باستاپ سارالانعان تۇردە جالاقىنى كوتەرەمىز. بۇعان قوسا، وتباسىنىڭ ءبىر مۇشەسىنە وڭىرلەرگە بايلانىستى 40 مىڭ تەڭگەدەن باستاپ جالعا الىنعان پاتەر تولەمى تۇرىندەگى وتەماقى ينستيتۋتىن ەنگىزبەكپىز. ىشكى ىستەر بولىمدەرىنە قىزمەتكە كەلەتىن جاستارعا تولەنەتىن وتەماقى كولەمى 70 مىڭنان 250 مىڭ تەڭگەگە دەيىن بولادى»، - دەدى ول ق ر ىشكى ىستەر ءمينيسترى ەرلان تۇرعىمبايەۆتىڭ توراعالىعىمەن وتكەن ۆەدومستۆوعا قاراستى ج و و باسشىلارىمەن جيىن اياسىندا.

ونىڭ اتاپ وتۋىنشە، مينيسترلىك مەملەكەت تاراپىنان بولىنەتىن قاراجاتتىڭ پاتەرىن جالعا بەرۋشىلەردىڭ قالتاسىنا كەتپەۋى ءۇشىن دە ارنايى شارا قابىلداپ وتىر. ياعني، پوليتسيا قىزمەتكەرى جالعا العان پاتەرىن بەلگىلى ءبىر ۋاقىتتان كەيىن جەكەشەلەندىرۋىنە مۇمكىندىك جاسالادى.

«ءبىزدىڭ تۇرعىن ءۇي قورىمىز جوق، باسپانا سالمايمىز. دەگەنمەن، تۇرعىن ءۇي قۇرىلىس جيناق بانكى» بار. مۇنداي شارانى 1 -شىلدەدەن باستاماقپىز. سەبەبى زاڭناماعا وزگەرتۋلەر ەنگىزۋ قاجەت. جاڭا جىلعا دەيىن جەڭىلدەتىلگەن سىزبا جۇمىس ىستەيدى. ياعني، ادام باسپانانى جالعا الۋ شارتىن جاساسىپ، ءبىز سول جالداۋ قۇنىن 100 پايىز تولەيمىز»، - دەدى ول.

ۆيتسە-ءمينيستردىڭ ايتۋىنشا، پاتەردى جالداۋ وتەماقىسىن ەلىمىز بويىنشا شامامەن 16 مىڭ پوليتسيا قىزمەتكەرى الاتىن بولادى. ول ءۇشىن جىل سايىن 9,1 ميلليارد تەڭگە قاراجات بولىنەدى.

«بۇگىنگى كۇنگە دەيىن وتەماقىنى جەدەل ۋاكىل بولىمشەلەرى مەن تەرگەۋشىلەر عانا الىپ كەلگەن بولاتىن. ولاردىڭ سانى شامامەن 6,5 مىڭ ادامدى قۇرايدى. ەندى ءبىز ولارعا تاعى دا 9 مىڭنان استام ادامدى قوسپاقپىز. ولار: شولعىنشى پوليتسەيلەر، ۋچاسكەلىك جانە كامەلەتكە جاسى تولماعاندار ءىسى جونىندەگى يسپەكتورلار»، - دەدى ا. كالايچيدي.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات