+7 (701) 759 90 19 Лента
24 °С : استانا
26 °С : الماتى
USD 377.18 EUR 426.14
RUB 5.98 CNY 54.86
جاڭالىقتار

كارديولوگ: جۇرەگى اۋىراتىندارعا ىستىق تروپيكالىق ەلدەرگە ساياحاتتاۋ - قاۋىپتى

26 مامىر 13:08 209
:ءبولىسۋ
كارديولوگ: جۇرەگى اۋىراتىندارعا ىستىق تروپيكالىق ەلدەرگە ساياحاتتاۋ - قاۋىپتى

پەتروپاۆل. قازاقپارات - جۇرەگى دىمكاس ادامدارعا جاز مەزگىلى نەسىمەن قاۋىپتى؟

جۇرەك- قان تامىرلارى اۋرۋى بارلار ىستىق كۇندەرى نەنى ەستەن شىعارماعان ءجون؟  

س ق و كارديولوگيالىق ورتالىقتىڭ بولىمشە مەڭگەرۋشىسى تامارا زاحاروۆا وقىرماندارعا كەڭەس بەردى، دەپ حابارلايدى قازاقپارات ءتىلشىسى.

مي قايناتار جازدىڭ ىستىق كۇندەرى دەنساۋلىعى جاقسى ادامنىڭ دا دەگبىرى قاشىپ، دەمالۋى قيىندايدى. جوعارى تەمپەراتۋرادا جۇرەككە سالماق ءتۇسىپ، سوعىسى جيىلەيدى. ال جۇرەگى اۋىراتىنداردىڭ سىرقاتى اسقىنىپ كەتۋى مۇمكىن. سول سەبەپتى جازدىڭ باسىندا دارىگەرگە قارالىپ، پروفيلاكتيكالىق تەكسەرۋدەن وتكەن ءجون.

«ەگەر سوزىلمالى اۋرۋلاردى ەمدەۋ دۇرىس جۇرگىزىلسە، سىرقاتتاردىڭ كوپشىلىگى قالىپتى ءومىر سالتىن ۇستانا الادى. مىسالى قان قىسىمى جوعارى ادام ءدارى ءىشۋ ارقىلى قان قىسىمىن سىناپ باعاناسىنان 140/90 مم اسىرماسا ءوزىن شەكتەمەۋىنە بولادى. الايدا مۇنىڭ اۋقىمدى ميوكارد ينفاركتىن العان نەمەسە جۇرەك جەتكىلىكسىزدىگىنىڭ اۋىر تۇرىمەن اۋىراتىندارعا قاتىسى جوق»، - دەيدى كارديولوگ تامارا زاحاروۆا.

جاز شىعىسىمەن ساياجايى بارلاردى ۇيدە ۇستاۋ قيىن. ساياجايمەن اينالىسۋ، اسىرەسە زەينەت جاسىنداعى ادامداردىڭ سۇيىكتى ءىسى. كوكونىس- جيدەك ەگىپ، سۋارىپ، جۇيەكتەردىڭ اراسىندا، كۇن كوزىندە ساعاتتاپ جۇرۋگە بار. الايدا ىستىق اۋا رايى جۇرەككە سالماق سالادى.

«اۋىر جۇمىستى كۇن استىندا، قاتتى ىستىقتا اتقارۋعا بولمايدى. بەتى قايتقاننان كەيىن 30-40 مينۋت جۇمىس ىستەپ، دەمالىپ وتىرۋ قاجەت. ەگەر القىنىپ، باس اينالىپ، السىزدىك پايدا بولسا، جۇرەك تۇسىڭىز اۋىرسا - بىردەن جۇمىستى توقتاتىڭىز. سونداي-اق كۇن شاقىرايىپ تۇرعاندا ۇزاق ۋاقىت باستى تومەن ءتۇسىرىپ، تىزەرلەپ ءارامشوپ جۇلۋ، جيدەك جيناۋ - قان اينالىمىن بۇزادى، قان قىسىمى كۇرت كوتەرىلىپ، ەستەن تانۋعا، ءتىپتى ينسۋلتقا اكەلەدى. سوندىقتان بۇل جۇمىستاردى كولەڭكەدە، الاسا ورىندىقتا وتىرىپ اتقارعان ءجون»، - دەيدى دارىگەر.

ماماننىڭ ايتۋىنشا، اۋا رايىنا قاراماستان كۇن استىندا جۇرگەندە باس كيىمدى تاستاماۋ كەرەك. سونداي- اق تەرلەپ تۇرعاندا، دەنە تىتىركەنگەندە سۋعا تۇسۋدەن باس تارتىڭىز. ىستىقتاپ تۇرىپ سۋىق سۋعا شومىلۋ - ءقاۋىپتى. اسىرەسە قان تامىرلارى تارتىلعان جۇرەكتىڭ يشەميالىق اۋرۋى بارلارعا. سۋىق سۋ دەنەنى قۇرىستىرادى، سالدارىنان جۇرەك قىسىپ، ءتىپتى ميوكارد ينفاركتى الۋى مۇمكىن.

جازعى دەمالىستى كوپشىلىك الدىن الا، جارتى جىل بۇرىن جوسپارلايدى. بىرەۋ دەنساۋلىعىن تۇزەۋ ءۇشىن شيپاجايدى تاڭداسا، ەندى ءبىرى تەڭىز جاعاسىنداعى كۋرورتتارعا باسىمدىق بەرەدى. جۇرەگى اۋىراتىندار، ەگدە جاستاعى ادامدار الىس جولعا شىعاردا، شەت ەلدىڭ دەمالىس ورىندارىن تاڭداعاندا الدىمەن ءوز دارىگەرىمەن كەڭەسكەن ءجون.

«مەن جۇرەگى اۋىراتىن ادامدارعا دەمالىسقا ىستىق، تروپيكالىق ەلدەرگە بارماۋعا كەڭەس بەرەر ەدىم. تۇركيا مەن مىسىر ەلىنەن گورى وزىمىزگە جاقىن اۋا رايى بار ايماقتى تاڭداۋ قاجەت. ياعني قوڭىرجاي ىلعالدى كليماتى بار قارا تەڭىز، بالتىق تەڭىزى جاعالاۋلارىنا نەمەسە ەلىمىزدەگى دەمالىس ورىندارىنا باسىمدىق بەرۋگە بولادى»، - دەيدى تامارا الەكساندروۆنا.

كۇننىڭ ىستىعىندا ەتتەن گورى، كوكونىس جانە ءسۇت تاعامدارىن كوبىرەك ءىشىپ-جەگەن پايدالى. تاجىريبەلى كارديولوگتىڭ ايتۋىنشا، جاز ماۋسىمىندا اعزا سۋدى قاجەت ەتەدى. تەر - اعزانىڭ قورعانىش قىزمەتىن اتقارادى، ال تەرلەۋ ءۇشىن سۋ كەرەك. ەڭ دۇرىسى گازدالماعان جاي سۋ نەمەسە كوك شاي ىشكەن ءجون.

اۆتور: اقەركە داۋرەنبەك قىزى


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات