قالا ىشىندە جايىلىپ جۇرگەن جىلقىلار قامالدى

اقتاۋ. قازاقپارات - اقتاۋدا قالا ىشىندە جايىلىپ جۇرگەن جىلقىلار قاماۋعا الىندى، دەپ حابارلايدى قازاقپارات قالا اكىمدىگىنىڭ Facebook-تەگى پاراقشاسىنا سىلتەمە جاساپ.

«اقتاۋدا قالا اۋماعىندا جايىلىپ، جاسىل جەلەكتەرگە تۇسكەن جىلقىلار قامالدى. اقشۇقىر تۇرعىنى يساعالي بۇركىتبايەۆتىڭ 21 جىلقىسى 17-20 شاعىن اۋداننىڭ ارالىعىنداعى اۋماعىندا جايىلىپ جۇرگەن. مالدى «قالا جولدارى» ج ش س- نىڭ قىزمەتكەرلەرى مەكەمەنىڭ مال قامايتىن قوراسىنا اپارىپ قامادى»، دەلىنگەن حابارلامادا.

جەرگىلىكتى پوليتسيا قىزمەتىنىڭ ينسپەكتورى مال يەسىنە اكىمشىلىك قۇقىق بۇزۋشىلىق تۋرالى كودەكستىڭ 505-بابى بويىنشا حاتتاما تولتىرىپ، شارا قولدانعان. اتالمىش باپتا «قالالار مەن ەلدى مەكەندەردە جاسىل ەكپەلەردى جويۋ جانە ءبۇلدىرۋ ءۇشىن جەكە تۇلعاعا ەسكەرتۋ جاسالادى نەمەسە 20-ايلىق ەسەپتىك كورسەتكىش مولشەرىندە ايىپپۇل سالىنادى» دەپ كورسەتىلگەن.