بەتپەردە كيگەن قاراقشىلار بيزنەسمەننىڭ ۇيىنە باسا-كوكتەپ كىرىپ، توناماق بولعان

None
None
اقسۋكەنت. قازاقپارات - تۇركىستان وبلىسىنىڭ ءتارتىپ ساقشىلارى كاسىپكەردىڭ ۇيىنە جاسالعان قاراقشىلىق شابۋىل قىلمىسىن اشتى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

سايرام اۋداندىق پوليتسيا باسقارماسىنىڭ كەزەكشىلىك «102» نومىرىنە جەرگىلىكتى كاسىپكەردەن «ۇيىمە قاراقشىلار شابۋىل جاسادى» دەگەن حابارلاما كەلەدى. وقيعا ورىن العان جەرگە شۇعىل باسقارما باستىعى مەن جەدەل-تەرگەۋ توبى جەتەدى.

«جابىرلەنۋشىلەردىڭ سوزىنە قاراعاندا، قارۋلانعان جانە بەتپەردە كيگەن بەلگىسىز ادامدار قاراقشىلىق شابۋىل جاساعان كەزدە ۇيدە كۇيەۋى مەن ايەلى جانە كامەلەتكە تولماعان ءۇش بالاسى بولعان. ەر ادام قارسىلىق كورسەتىپ، ءۇيدىڭ ىشىندە ايقاي-شۋ شىققان سوڭ قاراقشىلار ەشتەڭە الىپ ۇلگەرمەستەن كولىكتەرىنە ءمىنىپ، ءىزىن سۋىتقان. اتالمىش جايتتىڭ نەگىزىندە ق ر قىلمىستىق كودەكسىنىڭ 192-بابى «قاراقشىلىق» بويىنشا قىلمىستىق ءىس قوزعالدى. جاسالعان قىلمىستىڭ قاتاڭدىعىن ەسكەرە وتىرىپ، وبلىستىڭ كريمينالدىق پوليتسيا باسقارماسىنىڭ قىزمەتكەرلەرىنەن جانە سايرام اپب تاجىريبەلى ءتارتىپ ساقشىلارىنان ارنايى توپ قۇرىلدى. قىلمىستى اشۋمەن قاتار قىلمىسكەرلەردى ۇستاۋ ءۇشىن ءۇش كۇن جۇمسالدى. وسى كۇندەر ىشىندە پوليتسەيلەر كورشىلەردەن سۇراق- جاۋاپ الىپ، ماڭايدىڭ بارلىعىن تەگىس شولىپ شىقتى. ءسويتىپ، قىلمىسكەرلەردىڭ ءجۇرىپ وتكەن جولىن تۇگەل زەردەلەدى» دەلىنگەن حابارلامادا.

null 

اتقارعان جۇمىستىڭ ناتيجەسىندە جەدەل-تەرگەۋ توبى قىسقا مەرزىمنىڭ ىشىندە اۋىر قىلمىستى اشتى. بەس كۇدىكتىنى پوليتسەيلەر تۇرعىلىقتى مەكەنجايىنان جانە شىمكەنت قالاسىنداعى جالدامالى پاتەردەن ۇستايدى. ونىڭ ەكەۋى - شىمكەنت قالاسىنىڭ، ال قالعاندارى - تۇركىستان وبلىسىنىڭ تۇرعىندارى بولىپ شىقتى. كۇدىكتىلەردىڭ تورتەۋى - بۇرىن ۇرلىق پەن توناۋ بويىنشا سوتتى بولعاندار. ۇستالعان ازاماتتاردان ەكى گاز تاپانشاسى مەن «سايگا 410» اڭشى مىلتىعى، شولاق اڭشى مىلتىعى تاركىلەندى.

«سوتقا دەيىنگى تەرگەۋ امالدارى ءجۇرىپ جاتىر. كۇدىكتىلەر قاماۋعا الىندى. تەرگەۋ بارىسىندا پوليتسەيلەر وقيعانىڭ تولىق ءمان-جايىن انىقتايدى» دەيدى دەپارتامەنتتىڭ باسپا ءسوز قىزمەتى.

سوڭعى جاڭالىقتار