اقتوبەلىك اكىم ارداگەرگە اۋىر ءسوز ايتقانى ءۇشىن ايىپپۇل تولەيدى

اقتوبە. قازاقپارات - اقتوبە وبلىسى حرومتاۋ اۋدانى اباي اۋىلىنىڭ اكىمى الىبەك مۇستافين اۋىر ءسوز ايتقانى ءۇشىن ايىپپۇل تولەيدى، دەپ حابارلايدى قازاقپارات ءتىلشىسى.

اكىم مەن ارداگەر اراسىنداعى كەلىسپەۋشىلىك سوتقا جەتتى. حرومتاۋ اۋداندىق سوتى اكىمشىلىك قۇقىقبۇزۋشىلىق تۋرالى كودەكستىڭ 434-بابى، 1-ءبولىمى بويىنشا اباي اۋىلىنىڭ اكىمى اباي مۇستافينگە قاتىستى ءىستى قارادى. ءىس ماتەريالىنا سۇيەنسەك، 2019 -جىلدىڭ 9 -مامىرى كۇنى ساعات 10:20-دا اباي اۋىلىنىڭ اكىمى ءا. مۋستافين ارداگەر كوشەسىندە ورنالاسقان سوعىس ارداگەرلەرىنە ارنالعان ەسكەرتكىش ماڭىندا، ياعني، قوعامدىق ورىندا ي. ارجينتتى بالاعاتتاپ، قوعامدىق ءتارتىپتى بۇزعان.

«سوت وتىرىسىندا قۇقىقبۇزۋشى ءا. مۋستافين ءوزىنىڭ كىناسىن مويىندامادى. جەڭىس كۇنىنە ارنالعان سالتاناتتى جيىندا اۋىل اكىمى رەتىندە قۇتتىقتاۋ ءسوز ايتقانىن، سول كەزدە ي. ۆ. ارجينت كەلىپ، وزىنە ارداگەر رەتىندە ءسوز بەرۋىن سۇراعان. اكىم اۋىل تۇرعىنى ءارجينتتى اردەگەر ەمەس دەپ ساياباقتىڭ كىرەبەرىسىندە ەسكەرتۋ جاسايدى. ارالارىندا جانجال تۋىنداپ، ءبىر- بىرىنە بالاعات سوزدەر، ياعني، اكىم ناقتى «كەت قۇرى» دەپ ورىسشالاپ ايتقانىن جاسىرمادى.

جابىرلەنۋشى ي. ۆ. ارجينت اباي اۋىلىنىڭ تۇرعىنى جانە سەمەي يادرولىق پوليگونى ارداگەرى. سوعان سايكەس الىبەك مۇستافينگە اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن كىنالى دەپ تانىلىپ، 5 ايلىق ەسەپتىك كورسەتكىش مولشەرىندە، ياعني، 12625 تەڭگە ايىپپۇل سالىنسىن»، - دەدى سۋديا ساياگۇل جۇماشكينا.

اباي اۋىلىنىڭ اكىمى الىبەك مۋستافين بۇل ىسكە قاتىستى ءوز ويىن ءبىلدىردى. «سوت قاۋلىسىنا كەلىسپەيمىن، تاعى دا ارىزدانامىن. سەبەبى ول ساحانادا تۇرىپ، ار- نامىسىما تيەتىن سوزدەر ايتتى. مەن دە ارىز بەرىپ، سوت تۇرعىنعا ايىپپۇل سالعان بولاتىن»، - دەدى الىبەك مۋستافين.