15:09, 25 - مامىر 2019 | GMT +6
ماڭعىستاۋدا ءىرى بۇرشاق مالدى قىرىپ كەتتى
اقتاۋ. قازاقپارات - ماڭعىستاۋ وبلىسى ءۇشتاعان اۋىلىندا ءىرى بۇرشاق جاۋىپ، ورىستەگى مالدى قىرىپ كەتتى، دەپ حابارلايدى قازاقپارات lada.kz سايتىنا سىلتەمە جاساپ.
ءمالىم بولعانداي، 24 -مامىردا ماڭعىستاۋ اۋدانى ءۇشتاعان اۋىلىنا قاتتى بۇرشاق جاۋعان. كۋاگەرلەر كولەمى گرەك جاڭعاعىنداي بۇرشاقتاردىڭ سۋرەتتەرىن الەۋمەتتىك جەلىگە جاريالادى. كۋاگەرلەردىڭ اتاپ وتۋىنشە، بۇرشاقتار وسىمدىكتەردى جايپاپ، ورىستە جۇرگەن جانۋارلاردى ءولتىرىپ كەتكەن. بىرنەشە مينۋتتىڭ ىشىندە ءۇشتاعان اۋىلى قىستاعى كەيىپكە ەنىپ، بارلىق جەر اعاردى.