الماتىدا «حالىق بارىسى» تۋرنيرى ەكىنشى رەت وتەدى

نۇر-سۇلتان. قازاقپارات - 26 -مامىردا الماتىداعى «سۇڭقار» شاڭعى ترامپلينى حالىقارالىق كەشەنى ارەناسىندا ۇلتتىق كۇرەس - بەلدەسۋدەن ەكىنشى رەسپۋبليكالىق تۋرنير وتەدى.

«حالىق بارىسى-2019» اتاعى ءۇشىن مىڭنان استام سپورتشى بەلدەسەتىن بولادى، دەپ حابارلايدى قازاقپارات ءتىلشىسى.

تۋرنيردىڭ جالپى جۇلدە قورى - 20 ميلليون تەڭگە. جارىسقا 18 بەن 50 جاس ارالىعىنداعى كەز كەلگەن ازامات قاتىسا الادى. مىندەتتى شارت - ءاربىر قاتىسۋشىنىڭ سالماعى 70 كەلىدەن اسۋى ءتيىس.

بەلدەسۋلەر قازاق كۇرەسى رەسپۋبليكالىق فەدەراتسياسى بەكىتكەن ەرەجەگە سايكەس وتەدى.

تۋرنير ۇلتتىق سپورت تۇرلەرىنىڭ تانىمالدىعىن ارتتىرۋ جانە وعان جاستاردى باۋلۋ ماقساتىندا «رۋحاني جاڭعىرۋ» باعدارلاماسىن جۇزەگە اسىرۋ اياسىندا ۇيىمداستىرىلىپ وتىر.