نيۋ-يورك پوليتسەيى ديماش نيازوۆ قاراعاندى پوليتسيا اكادەمياسىندا ءدارىس وقيدى
بۇل تۋرالى بۇگىن قاراعاندى پوليتسيا اكادەمياسىنىڭ باستىعى اقىنعالي دارمەنوۆ ايتتى، دەپ حابارلايدى قازاقپارات ءتىلشىسى.
«2 -ماۋسىمدا قاراعاندى پوليتسيا اكادەمياسىنىڭ الاڭىندا TED Talks وتەدى. بۇل ءوز سالاسىندا تابىسقا جەتكەن سپيكەرلەر ءسوز سويلەيتىن الەمدىك الاڭ سانالادى. كەزىندە بۇل الاڭدا يلون ماسك ءسوز سويلەگەن بولاتىن. اعىمداعى جىلى ءبىز 2017 -جىلى نيۋ-يوركتىڭ ۇزدىك پوليتسەيى اتانعان، كاسىبي بوكسشى ديماش نيازوۆتى شاقىردىق. ول «پوليتسيا يميدجىن جانە قوعاممەن بايلانىس ساپاسىن كوتەرۋ» تاقىرىبىندا ءسوز سويلەيدى. سونىمەن قاتار وزگە دە سپيكەرلەردىڭ ءسوز سويلەۋى كوزدەلگەن»، - دەدى ول ق ر ىشكى ىستەر ءمينيسترى ەرلان تۇرعىمبايەۆتىڭ توراعالىعىمەن ءوتىپ جاتقان ۆەدومستۆوعا قاراستى ج و و باسشىلارىمەن جيىندا.
سونىمەن قاتار اقىنعالي دارمەنوۆ اكادەميا ۇزدىك حالىقارالىق تاجىريبەنى الۋعا دا زور نازار اۋدارىپ وتىرعاندىعىن ايتتى.
«اعىمداعى جىلى ۆەدومستۆولىق ءبىلىم بەرۋ تاريحىندا العاش رەت ءبىز ءۇندىستاننىڭ كريميناليستيكالىق عىلىم ۋنيۆەرسيتەتىمەن كەلىسىمشارت جاساستىق. بۇل ءا ت-ازىرلەمەلەر سالاسىنىڭ كريميناليستەرىن دايىندايتىن الەمدەگى جالعىز ۋنيۆەرسيتەت سانالادى. قىركۇيەك ايىندا 10 وقىتۋشى ارنايى كۋرستاردان ءوتۋ ءۇشىن سول جاققا بارادى»، - دەدى ول.
ا. دارمەنوۆ مۇنداي جۇمىستار ۋكراينا، پولشا، قىتاي ەلدەرىمەن دە جۇرگىزىلىپ جاتقاندىعىن اتاپ ءوتتى.
ۋكراينادا «كيبەرپولك» دەپ اتالاتىن بولىمشە جۇمىس ىستەيدى. بۇل وتە قىزىقتى جوبا جانە ونى قازىرگى ۋاقىتتا تىڭعىلىقتى زەردەلەپ جاتىرمىز. تامىز ايىنىڭ باسىندا فاكۋلتەت باستىقتارى كەلەدى جانە ولار ءارتۇرلى قىلمىستاردى تەرگەۋ بارىسىندا قانداي قۇرالدار قولداناتىندىعىن كورسەتەدى. تۇركيا ەلشىلىگىمەن ۇلتتىق پوليتسيا اكادەمياسىندا 13 كۋرس ۇيىمداستىرىلادى. ونىڭ جۇمىسى 1 -قىركۇيەكتە باستالادى. مۇنان بولەك، شيتنا قالاسىنداعى پولشا جوعارى پوليتسياسىنىڭ كيبەرقاۋىپسىزدىكتەن كۇرەستەگى تاجىريبەسىن زەردەلەمەكپىز. 1 -قىركۇيەكتە قىتاي حالىقتىق قوعمدىق قاۋىپسىزدىك ۋنيۆەرسيتەتىنە ءى ت- قاۋىپسىزدىك ماماندارىن دايىنداۋ ءۇشىن 5 كۋرسانت جىبەرىلەدى»، - دەدى اكادەمياسى باسشىسى.