قازاقستاندا پوليتسەيلەردى وقىتۋ فورماتى وزگەردى
بۇل تۋرالى بۇگىن ق ر ىشكى ىستەر ءمينيسترى ەرلان تۇرعىمبايەۆ ۆەدومستۆوعا قاراستى جوعارى وقۋ ورىندارىنىڭ باسشىلارمەن وتكەن جيىندا ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، ەلباسىنىڭ تاپسىرماسى بويىنشا وسى جىلدىڭ باسىنان ىشكى ىستەر ورگاندارىندا كەڭ كولەمدى رەفورما باستالدى. بۇل رەفورمانىڭ ماڭىزدى تۇستارىنىڭ ءبىرى - ۆەدومستۆولىق ءبىلىم بەرۋ سالاسىن جاڭعىرتۋ. اتالعان سالادا ءقازىردىڭ وزىندە ناقتى ىستەر اتقارىلىپ جاتىر. ءبىلىم بەرۋ جۇيەسى وڭتايلاندىرىلىپ، 6 وقۋ ورتالىعى قىسقارتىلدى.
قازىرگى ۋاقىتتا پوليتسەيلەردى دايىنداۋ الماتى، قاراعاندى جانە قوستاناي اكادەميالارى، اقتوبە زاڭ ينستيتۋتى مەن شىمكەنت وقۋ ورتالىعىندا جۇرگىزىلەدى. سونىمەن قاتار ءى ءى م باكالاۆريات باعدارلاماسى بويىنشا كادر دايىنداۋدان باس تارتتى. قاراعاندى اكادەمياسىندا عانا بۇل باعدارلاما ساقتالىپ قالدى.
«ەلىمىزدە زاڭگەرلىك ءبىلىم بەرەتىن جوعارى وقۋ ورىندارى جەتكىلىكتى. ءبىز جاستاردى وسى وقۋ ورىندارىنان الىپ، ارى قاراي مامانداندىرىلعان كۋرستاردا دايىندايمىز»، - دەدى مينيستر.
ە. تۇرعىمبايەۆتىڭ سوزىنە قاراعاندا، وقۋ پروتسەسىندە پراكتيكالىق ساباقتارعا باسىمدىق بەرىلەدى. كريمنيناليستەر، تەرگەۋشىلەر جانە جەدەل قىزمەتكەرلەر ءۇشىن 6 ايلىق، قالعاندارى ءۇشىن 3 ايلىق وقۋ كۋرستارى قاراستىرىلعان. بۇرىندارى وفيتسەرلىك قۇرام ءۇشىن 3 ايلىق، سەرجانتتىق قۇرام ءۇشىن 2 ايلىق وقىتۋ جۇيەسى قولدانىلعان بولاتىن.
«20 -مامىردان وقۋ جاڭا فورماتتا جۇرگىزىلە باستادى. زاماناۋي ينتەراكتيۆتىك ادىستەر مەن وقىتۋ نىساندارى كەڭىنەن پايدالانىلاتىن بولادى. بۇل تىڭداۋشىلارعا قىسقا مەرزىم ىشىندە كولەمدى اقپاراتتى يگەرۋىنە مۇمكىندىك بەرەدى»، - دەدى ەرلان تۇرعىمبايەۆ.
كەزدەسۋ قورىتىندىسىندا مينيستر ءبىلىم بەرۋ رەفورماسىنىڭ بارلىق پروتسەستەرى جاريا تۇردە وتەتىنىن ايتتى. وسىعان بايلانىستى وقۋ ورىندارىنىڭ باسشىلارىنا جۇرتشىلىقتى جانە باق وكىلدەرىن شاقىرا وتىرىپ، «اشىق ەسىك كۇندەرىن» نەمەسە «دوڭگەلەك ۇستەلدەر» وتكىزۋدى جانە ءىس- شارالار بارىسىندا ۆەدومستۆولىق ءبىلىم بەرۋدى جاڭعىرتۋ ماسەلەلەرىنىڭ ءمان-ماعىناسىن تولىق ءتۇسىندىرۋدى تاپسىردى.
«حالىق كادر دايارلاۋ جۇيەسىندە قانداي وزگەرىستەر بولدى جانە ول پوليتسيا جۇمىسىنىڭ ساپاسىنا قالاي اسەر ەتەتىنىن ءبىلۋى كەرەك. ءبىز ازاماتتىق جوعارى وقۋ ورىندارىنان كادرلاردى ىرىكتەپ الۋ ارقىلى ۆەدومستۆولىق وقۋ ورىندارىنىڭ الەۋەتى مەن بولاشاق پوليتسەيلەردى دايىنداۋ ساپاسىن كوتەرۋدى ماقسات ەتىپ وتىرمىز»، - دەدى ىشكى ىستەر ءمينيسترى.