+7 (701) 759 90 19 Лента
24 °С : استانا
26 °С : الماتى
USD 377.18 EUR 426.14
RUB 5.98 CNY 54.86
جاڭالىقتار

تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ

25 مامىر 12:31 480
:ءبولىسۋ
تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ

استانا. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاقستانداعى كونە ءۇش قالا تاريحى تۋرالى جازىلعان شىعارمالار قىتاي تىلىندە جارىق كورەدى - «جەنمين جيباو» (People Daily)

قىتايدىڭ «شينشيڭ» باسپاسى مەن قازاقستان جازۋشىلار وداعى «جىبەك جولىنداعى ءجۇز قالا اڭىزى» جوباسىنىڭ اياسىندا قازاق اۆتورلارىنىڭ شىعارمالارىن قىتاي تىلىندە شىعارۋ تۋرالى كەلىسىمگە قول قويدى، دەپ حابارلايدى kazakh.people.com.cn سايتى.


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

اتالعان دەرەككوز جازۋىنشا، قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت بەيجىڭ قالاسىنداعى ءىس-ساپار بارىسىندا، «شينشيڭ» باسپاسىنىڭ پرەزيدەنتى ما رۋجۇنمەن كەزدەسكەن. وندا «جىبەك جولىنداعى ءجۇز قالا اڭىزى» جوباسىنىڭ اياسىندا الماتى، تاراز، تۇركىستان قالالارىنىڭ تاريحى تۋرالى جازىلاتىن قازاق اۆتورلارى شىعارمالارىنىڭ قىتاي تىلىندە جارىق كورۋى تۋرالى كەلىسىمگە قول قويىلعان. اتالمىش جوبا اياسىندا كادىربەك سەگىزبايدىڭ «الماتىنىڭ «التىن ادامى»، نەسىپبەك ءداۋتايدىڭ «كونە تارازدىڭ تاريحي كومبەلەرى» ، مارحابات بايعۇتتىنىڭ «تۇركىلەر ءتورى - تۇركىستان» اتتى تاريحي كوركەم شىعارمالارى ءتارجىمالانىپ، باسىلىپ شىعادى.

««جىبەك جولىنداعى ءجۇز قالا اڭىزى» كىتاپ سەرياسى «ءبىر بەلدەۋ، ءبىر جول» اياسىنداعى مادەني- گۋمانيتارلىق ىنتىماقتاستىق جوبا. جىبەك جولىنىڭ بويىندا ورنالاسقان تاريحي قۇندىلىققا، ماڭىزعا يە كونە قالالاردان ءجۇز قالا تاڭدالىپ الىنىپ، ونىڭ شەجىرەلى بولمىسىن، تاريحي ءمانىن جان-جاقتى ساراپتاپ، ادەبي كوركەم تىلمەن بايانداپ جازىپ شىعارۋ قولعا الىنعان. بۇل جوبا قازىرگى كۇنىگى «جىبەك جولى» بويىندا تۇرعان مەملەكەتتەردىڭ ءوزارا مادەني- گۋمانيتارلىق، تاريحي - تانىمدىق بايلانىستارىن نىعايتۋعا سەپتىگىن تيگىزەدى. كىتاپ شىعارۋدى قولعا العان «شينشيڭ» باسپاسى شەت تىلدەردەگى ادەبيەتتەردى باسىپ شىعاراتىن جانە تاراتاتىن قحر اكىمشىلىگىنىڭ مەملەكەتتىك باسپا ءۇيى. بۇل باسپا ورتالىعى جىلىنا قىتاي، اعىلشىن، ورىس، يسپان، فرانتسۋز، جاپون، كارىس، نەمىس، اراب سىندى كوپتەگەن تىلدەردەگى ءتۇرلى جانرداعى 230 ءتۇرلى كىتاپتى باسىپ شىعارادى»، - دەپ جازادى «جەنمين جيباو» سايتى.

ەستەرىڭىزگە سالا كەتەيىك، قازاقستان جازۋشىلار وداعى باسقارماسىنىڭ ءتوراعاسى  ۇلىقبەك ەسداۋلەت بەيجىڭ قالاسىنداعى ءىس-ساپار بارىسىندا 40 مەملەكەتتەن ەكى مىڭداي ادەبيەت، مادەنيەت پەن ونەر قايراتكەرلەرىنىڭ قاتىسۋىمەن وتكىزىلگەن «ازيا - وركەنيەتتەر ديالوگى» اتتى ءىرى حالىقارالىق كونفەرەنسياعا قاتىسىپ، ءسوز سويلەگەن.

پرەزيدەنت ەردوعان تۇرىك كەڭەسى باس حاتشىسى باعدات امىرەيەۆتى قابىلدادى - TRT

تۇركيا پرەزيدەنتى رەجەپ تايىپ ەردوعان تۇرىك كەڭەسى باس حاتشىسى باعدات امىرەيەۆتى قابىلدادى، دەپ حابارلايدى تۇركيا راديو تەلەۆيزيا مەكەمەسىنىڭ رەسمي پورتالى.


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

«ەردوعان تۇركى الەمىنىڭ بىرلىگىنە ءارقاشان كوڭىل بولگەندەرىن اتاپ كورسەتىپ، تۇرىك كەڭەسىنىڭ باسقا ەل جانە حالىقارالىق ۇيىمدارمەن ىنتىماقتاستىعىن نىعايتۋىنىڭ ماڭىزدى ەكەنىن ايتتى. ەردوعان ازەربايجاندا وتەتىن كەلەسى سامميتتىڭ دايىندىقتارىن دا جاقىننان باقىلاپ وتىرعانىن جەتكىزدى. «تۇركىتىلدەس ەلدەر پارلامەنتتىك اسسامبلەياسىنىڭ جەكە باسىنا حالىقارالىق ۇيىم رەتىندە قىزمەتىن جالعاستىرۋىن قالايمىز. تۇرىك مادەنيەتىنىڭ حالىقارالىق ۇيىمى تۇركسوي - دىڭ ارنايى مارتەبەسىن ساقتاپ، قازىرگى كۇيىمەن انكارادا قالۋىن ورىندى دەپ ەسەپتەيمىز» دەدى پرەزيدەنت.

ەردوعان نۇر-سۇلتانداعى حالىقارالىق تۇركى اكادەمياسى مەن باكۋدەگى تۇرىك مادەنيەت مۇراسى قورى جونىندە قازاقستان مەن ازەربايجاننىڭ ۇسىنىستارىنا قولداۋ بەرۋگە دايىن ەكەندەرىن ايتتى.

تۇركيا پرەزيدەنتى نۇرسۇلتان نازاربايەۆتىڭ ليدەرلىگىنىڭ ءارى قازاقستانمەن ەكى جاقتى قارىم- قاتىناستاردىڭ نىعايتىلۋىندا، ءارى تۇرىك كەڭەسىنىڭ قۇرىلىپ، دامۋىندا ۇلكەن رول ويناعانىن اتاپ كورسەتتى.

قازاقستان يرانمەن ىنتىماقتاستىعىن كەڭەيتۋدى كوزدەيدى - «فارس» اقپارات اگەنتتىگى

يرانداعى قازاقستان ەلشىسى تەھران- نۇر-سۇلتان ەكونوميكالىق ىنتىماقتاستىعىن كەڭەيتۋدى قۋاتتادى، دەپ حابارلايدى parstoday اقپارات اگەنتتىگى.

اتالعان ب ا ق- تىڭ جازۋىنشا، يرانداعى قازاقستان ەلشىسى اسحات ورازباي باسپا ءسوز ءماسليحاتىندا ءسوز سويلەپ، ەكى ەلدىڭ ەكونوميكالىق ىنتىماقتاستىعىن كەڭەيتۋدە مۇمكىندىكتەردىڭ ءالى دە بولسا مول ەكەنىن ايتقان. «يران مەن قازاقستان ءارتۇرلى سالالارداعى ءوزارا ىنتىماقتاستىقتارىن ارتتىرا الادى. ەكى ەلدىڭ ۇلتتىق ۆاليۋتاسىن پايدالانۋ ءوز ارا ەكونوميكالىق ىنتىماقتاستىقتارىن كەڭەيتۋگە سەبەپ بولا الادى. سونداي- اق بانك ماسەلەلەرىن شەشۋ ءۇشىن ەكى ەلدىڭ اراسىندا جاڭا مەحانيزم ىسكە قوسىلۋى كەرەك. يران مەن قازاقستان اراسىنداعى ساۋدا اينالىمى وتكەن التى جىلدا بەس ەسە ارتىپ، 400 ميلليون دوللاردان 2 ميلليارد دوللارعا جەتتى»، - دەيدى يرانداعى قازاقستان ەلشىسى اسحات ورازباي .


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ

تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - قىتايدىڭ «ورتالىق حالىق راديوسى» (CNR)


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

قىتايلىق kazakcnr.com سايتىندا بەيجىڭدەگى قىتاي حالىق-ازاتتىق ارمياسىنىڭ كۇرەس كومانداسىنىڭ بىلىكتى بالۋانى، قىتايدا تۇراتىن قانداسىمىز مۇراتبەك شايسۇلتان ۇلىمەن بولعان سۇحباتى جارىق كوردى.


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

اتالعان ب ا ق-تىڭ جازۋىنشا، گرەك- ريم كۇرەسى بويىنشا 130 ك گ سالماق دارەجەسىندە بەلدەسەتىن، تاۋسوعار بالۋان قانداسىمىز قىتاي مەملەكەتىنىڭ ىشىندەگى اسكەري- سپورتتىق ويىنىندا جانە الەم چەمپيوناتتارىندا سان مارتە جۇلدەلى ورىنداردى قانجىعالاعان ەكەن.


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

«مەن 1992 -جىلى قىتاي حالىق رەسپۋبليكاسى، التاي ايماعىنىڭ قابا اۋدانىندا تۋعانمىن. بالا كۇنىمنەن سپورتقا بەيىم بولىپ ءوستىم. 2008 -جىلى التاي ايماعىنداعى جارىستا جۇلدەلى ورىنعا يە بولىپ، كوزگە ءتۇستىم. 2009 -جىلى شىڭجاڭ ولكەسىنىڭ كۇرەس كومانداسىنا قابىلداندىم. ال، 2010 -جىلى قىتاي چەمپيوناتىندا 2- ورىن الدىم. وسىدان كەيىن بەيجىڭدەگى قىتاي حالىق- ازاتتىق ارمياسىنىڭ كۇرەس كومانداسىنا سىناقتارىنان سۇرىنبەي ءوتىپ، قابىلداندىم. 2013 -جىلى يراندا وتكەن دۇنيەجۇزىلىك اسكەري- سپورتتىق ويىندا، تۇڭعىش رەت ۇلكەن دودادا باق سىناپ، بوز كىلەمگە شىقتىم. وندا 3- ورىندى قاناعات تۇتتىم. قازىرگى كۇنگە دەيىن بوز كىلەمنەن تۇسكەن جوقپىن. ەل ىشىندە دە قىتايدىڭ حالىق-ازاتتىق ارمياسىنىڭ اراسىندا وتەتىن ءتۇرلى سپورتتىق چەمپيوناتتاردا جۇلدەلى ورىنداردى قانجىعالاپ ءجۇرمىن. ال، بيىلعى جىلى قىركۇيەك ايىندا قىتايدىڭ ۋحان قالاسىندا وتەتىن دۇنيەجۇزىلىك ارميا ويىندارىنا قاتىسۋدى جوسپارلاپ، وسى الەمدىك الامانعا تىڭعىلىقتى دايىندالىپ جاتىرمىن»، - دەيدى سۇحباتىندا مۇراتبەك شايسۇلتان ۇلى.


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ 

وزبەكستاندا قازاقستان بانكىنىڭ فيليالى اشىلادى - «ءوزا» اقپاراتتىق اگەنتتىگى


تولاعاي كۇشىمەن قىتاي ارمياسىنىڭ كۇرەس كومانداسىنا قابىلدانعان قازاق بالۋانى - شەتەلدەگى قازاق ءتىلدى ب ا ق- قا شولۋ

وزبەكستان رەسپۋبليكاسىنىڭ ورتالىق بانكى باسقارماسى، «قازاقستان حالىق بانكى» ا ق- نىڭ ەنشىلەس ۇيىمى «Tenge Bank» اكسيونەرلىك كوممەرتسيالىق بانكىنە، وزبەكستان اۋماعىندا بانك وپەراتسيالارىن جۇزەگە اسىرۋعا ليتسەنزيا بەردى، دەپ حابارلايدى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«قازاقستان حالىق بانكى» ا ق وزبەكستانداعى فيليالىن اشۋعا نيەت بىلدىرگەن العاشقى قازاقستاندىق بانك بولىپ وتىر. بانكتىڭ تاشكەنتتەگى قارجىلىق ۇيىمىنىڭ فيليالى - Tenge Bank اتاۋىمەن جۇمىس ىستەيدى. قازاقستاندىق بانكتىڭ قازىرگى تاڭدا ت م د اۋماعىندا رەسەي، قىرعىستان، گرۋزيا، تاجىكىستان ەلدەرىندە ءوز بولىمشەلەرى بار. ەندى ولاردىڭ قاراتىنا وزبەكستاندا ەندى. بۇگىندە وزبەكستاندا 28 كومەرتسيالىق بانك جۇمىس ىستەيدى. ەكىنشى دارەجەلى بانكتەردىڭ جالپى اكتيۆتەرى 194,6 تريلليون سۋم نەمەسە 24,1 ميلليارد دوللاردى قۇرايدى. قازىرگى ۋاقىتتا وزبەكستان اۋماعىندا شەتەلدىك بانك كاپيتالىنىڭ قاتىسۋىمەن بەس بانك قىزمەت كورسەتىپ كەلەدى»، - دەپ جازادى «ءوزا» اقپاراتتىق اگەنتتىگى.

 اۆتورى: باقىتجول كاكەش


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات