10:56, 25 - مامىر 2019 | GMT +6
قوستانايدا ايەلدىڭ باسىنا كىرپىش قۇلاپ كەتتى
قوستاناي. قازاقپارات - قوستاناي قالاسىندا تۇرعىن ءۇي توبەسىنەن قۇلاعان كىرپىش ايەل ادامنىڭ ۇستىنە تۇسكەن.
اقپاراتتى وبلىستىق دەنساۋلىق ساقتاۋ دەپارتامەنتىنىڭ باسپا ءسوز قىزمەتى راستادى، دەپ حابارلايدى قازاقپارات ءتىلشىسى.
وقيعا وبلىس ورتالىعىنداعى گاشەك كوشەسىنىڭ بويىندا بولعان.
«تۇرعىن ءۇي توبەسىنەن قۇلاعان كىرپىش 41 جاستاعى ايەل ادامنىڭ باسىنا تۇسكەن. ول ەسىنەن تانىپ قالعان. باسى جارىلعاننان قان كوپ جوعالتقان. اشىق باس سۇيەك-مي جاراقاتى، تراۆماتيكالىق شوك دياگنوزى قويىلدى»، - دەپ حابارلادى ۆەدومستۆونىڭ باسپا ءسوز قىزمەتىندەگىلەر.
ماماندار كىرپىشتىڭ قۇلاۋىنا جەلدىڭ اسەرى بولۋى مۇمكىن ەكەنىن بولجاپ وتىر.
زارداپ شەگۋشى ايەل بىردەن قالالىق اۋرۋحاناعا جەتكىزىلدى. جاعدايى اۋىر.