اقتوبە اكىمى: ديماش - ءشامشى، ەسكەندىر، جۇبانوۆ سياقتى تۇلعالاردىڭ ءىزباسارى

اقتوبە. قازاقپارات - اقتوبە قالاسىنىڭ اكىمى ءىلياس يسپانوۆ ءانشى ديماش قۇدايبەرگەندى مۇشەل جاسىمەن قۇتتىقتاپ باردى، دەپ حابارلايدى قازاقپارات ءتىلشىسى.

ەسكە سالساق، بۇگىن ديماش قۇدايبەرگەن 25 جاسقا تولدى. ول ءوز تۋعان كۇنىندە قارتتار مەن مۇگەدەكتەر ۇيىنە بارىپ، قاريالاردىڭ باتاسىن الدى. ال كەشكە قالا اكىمى ءىلياس يسپانوۆ ءانشىنى قۇتتىقتاپ باردى.

«بۇگىن جالپى قازاق حالقىنىڭ ماڭدايىنا بىتكەن ءشامشى، ەسكەندىر، اعايىندى جۇبانوۆتار سياقتى تۇلعالاردىڭ ءىزباسارى، جەرلەسىمىز ديماش دۇنيەگە كەلگەن كۇن. كۇللى الەمگە قازاق ۇلتىنىڭ ونەرى مەن مادەنيەتىن تانىتىپ، ۇلتتىق برەندكە اينالعان باۋىرىمىزدى قۇتتىقتاپ باردىق. اتا- اناسى، وتباسى ۇلدارىنىڭ مۇگەل جاسىمەن تاڭەرتەڭنەن باستاپ قۇتتىقتاۋشىلار سانى تولاستار ەمەس دەيدى. ءبىز دە وبلىس اكىمى و. ورازاليننىڭ اتىنان قۇتتىقتاۋىمىزدى جەتكىزىپ، ءانشىنىڭ قۋانىشىمەن بولىستىك، - دەپ جازدى قالا اكىمى ءىلياس يسپانوۆ ءوزىنىڭ ينستاگرامداعى پاراقشاسىندا.