+7 (701) 759 90 19 Лента
16 °С : استانا
19 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

دانيار ەلەۋسىنوۆتىڭ قارسىلاسى انىقتالدى

25 مامىر 09:34 349
:ءبولىسۋ
دانيار ەلەۋسىنوۆتىڭ قارسىلاسى انىقتالدى

نۇر-سۇلتان. قازاقپارات - قازاقستاندىق بوكسشى دانيار ەلەۋسىنوۆتىڭ (6-0، 3 ك و) قارسىلاسى انىقتالدى، دەپ حابارلايدى قازاقپارات ۆكونتاكتە الەۋمەتتىك جەلىسىندەگى «قازاقستاننىڭ كاسىبي بوكس» پاراقشاسىنا سىلتەمە جاساپ.

ريو- دە- جانەيرو وليمپياداسىنىڭ چەمپيونى دانيار ەلەۋسىنوۆتىڭ 25 -مامىرعا جوسپارلانعان جەكپە-جەگىندەگى قارسىلاسى 27 جاستاعى چيلي سپورتشىسى لۋيس نورامبۋەنا (3-1-1) بولدى.

قازاقستاندىق سپورتشىنىڭ كاسىبي بوكستاعى ىستەرىمەن اينالىساتىن امەريكالىق كومپانيانىڭ باسشىسى زيا الييەۆتىڭ ايتۋىنشا، مەريلەند شتاتىنىڭ اتلەتيكالىق كوميسسياسى قازاقستاندىق پەن مەكسيكالىق ميگەل زامۋديو اراسىنداعى جەكپە-جەككە كەلىسىم بەرمەي قويعان. الايدا چيلي بوكسشىسىمەن رينگكە شىعۋعا رۇقسات ەتكەن.

ەسكە سالساق، جەكپە-جەك مەريلەند شتاتىنىڭ وكسون-حيلل قالاسىنا وتەدى. ەلوردا ۋاقىتى بويىنشا ايقاس ۋاقىتى 26 -مامىردىڭ تاڭەرتەڭگى ۋاقىتىنا سايكەس كەلەدى جانە جەكپە-جەك تىكەلەي ەفيردەن كورسەتىلەدى.

ايتا كەتسەك، دانيار ەلەۋسىنوۆ (6-0، 3 ك و) گولوۆكين-روللس جەكپە-جەگىنىڭ اندەركارتىندا شىعۋى كەرەك ەدى. الايدا كەيىن بوكسشىنىڭ مەنەدجەرى زيا اليەۆ ەلەۋسىنوۆتىڭ 8 -ماۋسىمداعى گولوۆكين-روللس اندەركاردىنداعى جەكپە-جەگى بەلگىسىز سەبەپتەرگە بايلانىستى بولمايتىنىن جەتكىزگەن.

 


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات