ديماش قۇدايبەرگەن قارتتار ۇيىندەگى قاريالاردىڭ باتاسىن الدى

اقتوبە. قازاقپارات - ديماش قۇدايبەرگەن بۇگىن كەشكىلىك اقتوبەدەگى قارتتار مەن مۇگەدەكتەر ۇيىنە باردى، دەپ حابارلايدى قازاقپارات ءتىلشىسى.

ديماش قۇدايبەرگەن ءوز تۋعان كۇنىن اقتوبەدە وتكىزدى. ءانشى بۇگىن 25 جاسقا تولدى. ونىڭ اقتوبەگە كەلگەنىن الدىمەن اجەسى الەۋمەتتىك جەلى ارقىلى حابارلادى.

ال كەشكىلىك ءانشى قارتتار مەن مۇگەدەكتەر ۇيىنە بارعان. جانىندا باۋىرلارى مەن فاناتتارى دا بار.

«بۇگىن اناسى سۆەتا ايتبايەۆا تەلەفون شالىپ، ديماشتىڭ قالاعا بىرەر كۇنگە كەلگەنىن ايتتى. ءانشى مەكتەپتە وقىپ جۇرگەن كەزدە قارتتار ۇيىنە كەلىپ، ءان سالعان ەكەن. «اقتوبەگە كەلسەم قارتتار ۇيىنە بارىپ، قاريالاردان باتا الامىن» دەپ ايتقان ول. كەشكى ساعات 18:00-گە تامان كەلىپ، تۋعان كۇنىندە ءبىر مال ساداقا بەردى»، - دەدى قارتتار ءۇيى ديرەكتورىنىڭ ورىنباسارى ءسان نۇرىشەۆا.

 

ءانشى قارتتار ۇيىندەگى ءار اداممەن قول الىستى، جەكە امانداسىپ، سۋرەتكە تۇسكەن. كەيىن دەنساۋلىعى سىر بەرىپ تۇرسا دا ءان ايتتى.

«ءانشى «اۋىرىپ جۇرسەم دە ءان ايتىپ بەرەيىن» دەپ بىرەر ءان شىرقادى. ءارى اناسىمەن بىرگە وقىعان الپىسباي نارىمبايەۆ ءبىزدىڭ ورتالىقتا تۇراتىن ەدى. ءبارى مەكتەپ كەزىندەگى ەستەلىكتەرىمىن ءبولىستى. بۇعان دەيىن دە ءانشىنىڭ اناسى سۆەتا ايتبايەۆا كەلىپ، جەكە كونتسەرتىن بەرەتىن. سونداي ءبىر كۇنى قارتتار ءۇيىنىڭ تۇرعىنى بازار ورىنعالييەۆا ديماشتى ەرتىپ كەلۋىن سۇراعان بولاتىن. ءساتى بۇگىن ءتۇستى. ول تاعى دا كەلەتىنىن، باتا الاتىنىن، الىستا جۇرگەندە ءبارى دە دەمەۋ بولاتىنىن ايتتى»، - دەدى ءسان نۇرىشەۆا.