تاڭعى كەڭەس: ويانۋدىڭ سىرلارى

None
None
 نۇر - سۇلتان. قازاقپارات - دەنساۋلىقتىڭ مىقتى بولۋى، كۇننىڭ ءساتتى باستالۋى، كۇنى بويى سەرگەك، كوڭىلدى ءجۇرۋدىڭ كىلتى -  جاقسى ويانۋ.

ويانۋ جاڭا كۇننىڭ كەرەمەت باستاماسى بولۋ ءۇشىن، تاڭمەن، ءتىپتى توسەكتەن تۇرماستان مىنانداي جاتتىعۋلاردى جاساۋدى ادەتكە اينالدىرىڭىز.

 ويانعان ساتتە كوزىڭىزدى قايتا جۇمىپ، الاقاندارىڭىزبەن قۇلاقتارىڭىزدى قىسىپ، جوعارى- تومەن 20 رەت اينالدىرىڭىز. بۇل قاراپايىم جاتتىعۋ سامايداعى قان اينالىمىن رەتتەپ، وياتادى. سونىمەن قاتار بۇنداي جاتتىعۋدى كۇندەلىكتى جاساۋ كوز، ءتىس ساۋلىعىنا جاقسى اسەر ەتىپ، بەت تەرىسىنىڭ جاعدايى مەن ءتۇسىن جاقسارتادى.

 وڭ قولىڭىزدى ماڭدايعا قويىپ، ۇستىنەن سول الاقانمەن جابىڭىز. قولدارىڭىزبەن ەكى شەتكە 20 رەت قوزعالتىڭىز. بۇل جاتتىعۋ ءسىزدى كۇنى بويى باس اۋرۋىنان ساقتايدى.

 كوزىڭىزدى جۇمىپ، باس بارماقپەن كوزدىڭ ءۇستىن 15 رەت ۋقالاڭىز. بۇل جاتتىعۋدى وتە اباي بولىپ جاساعان ءجون. جاتتىعۋ ناتيجەسىندە كورۋ قاسيەتى جاقسارىپ، جۇيكە جۇيەسى رەتتەلەدى.

 جاتقان بويدا اياقتى تىزەدە بۇگىپ، الاقاندارىڭىزدى ىشكە قويىڭىز. ساعات ءتىلى بويىنشا قولدارىڭىزدى 30-40 رەت اينالدىرىڭىز. بۇل ء"ىش ماسساجى" اسقورىتۋ جۇيەسىن رەتتەپ، ءىش بۇلشىق ەتتەرىن بەرىك قىلادى. باۋىر ساۋلىعىنا دا وڭ اسەرى بار.

 تۋرا وسىلاي جاتىپ، قولدارىڭىزدى ىشتەن الىڭىز. قارىندى ىشكە قاراي بارىنشا تارتىپ، قايتا شىعارىڭىز. 20 رەت قايتالانعان بۇل جاتتىعۋ قان مەن ءوتتىڭ تۇرىپ قالماۋىنا كەپىل بەرە الادى. سونىمەن قاتار باۋىر، بۇيرەك جانە جالپى اسقورىتۋ جۇيەسىن رەتتەيدى.

 تىزەدە بۇگىلگەن اياقتاردى كەۋدەڭىزگە تاقاپ، قولىڭىزبەن قۇشاقتاپ الىڭىز. قايتا تۇزۋلەتىپ، جاتتىعۋدى قايتالاڭىز. بۇل جاتتىعۋ كەۋدەنى، ءىشتى جاتتىقتىرادى.

 بۇل جاتتىعۋلار جيىنتىعىنىڭ سوڭىندا اياق ماسساجىن ىستەگەن ءجون. بۇل جالپى كۇنى بويى اياقتارىڭىز شارشاماي جۇرۋىنە كومەكتەسەدى.

ءبىز ۇسىنعان جاتتىعۋلاردى جاساپ بولعاننان كەيىن ءبىر كەرىلىپ، تارتىلىپ، ورنىڭىزدان تۇرىپ، جاڭا كۇندى باعىندىرۋعا نيەتتەنىڭىز.

سوڭعى جاڭالىقتار