+7 (701) 759 90 19
3 °С : نۇر-سۇلتان
4 °С : الماتى
USD 388.96 EUR 432.21
RUB 6.09 CNY 54.99
جاڭالىقتار

دەمالىس كۇندەرى تىنىعىپ ۇلگەرۋ ءۇشىن

24 مامىر 21:13
:ءبولىسۋ
دەمالىس كۇندەرى تىنىعىپ ۇلگەرۋ ءۇشىن

نۇر - سۇلتان. قازاقپارات - دەمالۋعا ارنالعان ەكى كۇنى زۋلاپ شىعا كەلەدى، ال شارشاعاندىعىمىز كەتپەيدى. سوندىقتان كەي دۇيسەنبى كۇندەرى ءوزىمىزدى ءالسىز سەزىنەمىز.

دەمالىس كۇنى كەلەر اپتاعا كۇش جيناپ الۋ ءۇشىن نە ىستەۋ كەرەك؟ جۇمىستان باسىڭىزدى قاجەتسىز ويلاردان بوساتىپ شىعىڭىز دەمالىس كۇندەرى اپتانىڭ 5 كۇنى بويى ەنەرگياڭىزدى العان جۇمىس تۋرالى ويلاماس ءۇشىن جۇما كۇنى جۇمىستان شىعاردا بارلىق قاجەت ەمەس ويلاردى تاستاپ كەتىڭىز. ول ءۇشىن اپتانىڭ سوڭعى جۇمىس كۇنى جوسپارلاۋعا ازداپ ۋاقىت ءبولىڭىز. دۇيسەنبى جۇمىسقا كەلە سالا الدىمەن ىستەۋ كەرەك شارۋالارىڭىزدى جازىپ قويىڭىز. سول كەزدە ول شارۋالاردى دەمالىس كۇنى ويلامايتىن بولاسىز.

كەي ادامداردىڭ جۇمىس كەستەسى دەمالىس كۇنى دە جۇمىسقا ورالۋىن تالاپ ەتەدى. مىسالى، ەلەكتروندى پوشتا تەكسەرۋ نەمەسە دۇيسەنبىگە دەيىن كۇتە المايتىن قوڭىراۋ شالۋ كەرەك بولۋى مۇمكىن. بۇل جاعدايدا مۇنداي ىستەرگە ناقتى ۋاقىت بولۋگە تىرىسىڭىز. مىسالى، پوشتانى تەك كۇنىنە ءبىر رەت تەكسەرىڭىز. سەبەبى كەلەسى اپتا جاقسى ەنەرگيامەن ساپالى جۇمىس ىستەۋىڭىز ءۇشىن دۇرىس دەمالۋ قاجەتتىگىن ۇمىتپاڭىز. قاراما- قارسى ارەكەت ىزدەڭىز كۇندەلىكتى ارەكەتىڭىزدى اۋىستىرۋ تولىققاندى دەمالۋعا جانە قاجەت ەنەرگيانىڭ پايدا بولۋىنا ىقپال ەتەدى. جۇمىس كۇندەرى اياقتالعانىن مي قابىلداسا دا، ادام دەنەسى ءالى دە ۇيرەنشىكتى رەجيمدە بولادى. سونىڭ سالدارىنان تولىققاندى دەمالماعانداي بولاسىز. سوندىقتان قاراما- قارسى ارەكەت ىزدەڭىز. مىسالى، بەس كۇن بويى كومپيۋتەر الدىندا وتىرىپ جۇمىس ىستەۋگە ءماجبۇر بولساڭىز، دەمالىس كۇندەرى سپورتقا نەمەسە باسقا دا بەلسەندى ارەكەتكە ۋاقىت ءبولىڭىز.

سپورت دەنە پىشىنىنە جاقسى اسەرىن بەرۋمەن قاتار ادامدى ۇزاق ۋاقىتقا ەنەرگيامەن قامتاماسىز ەتەتىندىگىن ۇمىتپاڭىز. ياعني، جۇمىس كۇندەرى قانداي ىسكە ۋاقىت بولە المايسىز نەمەسە از بولەسىز، سولاردى (وزىڭىزگە ۇنايتىن ىستەر بولعانى جاقسى) دەمالىس كۇنى ىستەۋگە تىرىسىڭىز. مىسالى، كەي ايەلدەر گاردەروبىن تولىقتاي شىعارىپ تاستاپ، اسىقپاي رەتتەپ جيناعاننان سوڭ ءوزىن جاقسى سەزىنەدى.

ۇيقىڭىزدى قاندىرىڭىز دۇرىس ۇيقى - دەنە مەن جان قۋاتتىلىعىنىڭ كەپىلى. ەڭ دۇرىسى، جۇما كۇنى كەشكىسىن شۋ جەرگە قىدىرىپ بارۋدىڭ ورنىنا ۇيگە كەلىپ، ەرتە ۇيىقتاعان ءجون. ۇيقى ادامنىڭ جۇيكە جۇيەسى قىزمەتىن قالپىنا كەلتىرەدى جانە بارلىق ورگاندارىن دەمالتىپ، قالپىنا كەلتىرەدى. ءبىراق تابيعي جولمەن ۇيىقتاۋ كەرەك. ءوزىڭىزدى قيناپ ءدارى ءىشۋدىڭ قاجەتى جوق: تەك دۇرىس ۇيقى عانا اعزاعا جاعىمدى اسەر ەتەدى. ۇيقىڭىز قانۋ ءۇشىن ۇيىقتار الدىندا دالاعا شىعىپ سەرۋەندەپ كەلىڭىز. سونىمەن قاتار، ۇيقى ساپاسىنا ويانۋ پروتسەسى دە اسەر ەتەدى. ۇيقىدان تۇرعان سوڭ سوزىلۋعا ۋاقىت ءبولىڭىز. ارتىق ۇيىقتاۋدىڭ اعزاعا پايداسى جوق. سوندىقتان كۇندەلىكتى رەجيمىڭىزدى ساقتاعان دۇرىس. ەرتە تۇرساڭىز، دەمالىس كۇنىڭىز ۇزاق بولا تۇسەدى. ۇيقىدان تۇرعان سوڭ دۋش قابىلداپ الساڭىز، كۇنى بويى ءوزىڭىزدى جاقسى سەزىنەسىز.

دەمالىس كۇندى ناقتى جوسپارلاماڭىز دەمالىس كۇنگە كوپ نارسە جوسپارلاماڭىز. ەگەر ءۇي جيناۋ، ىدىس جۋۋ، تۋىستارعا كىرىپ شىعۋ، بالانى سۋعا ءتۇسىرۋ، ازىق- تۇلىك اكەلۋ سەكىلدى ءتۇرلى ىستەردى جوسپارلاپ قويساڭىز، بىرىنشىدەن، دۇيسەنبىگە دەيىن شارشاپ قالاسىز. ەكىنشىدەن، جوسپارلانعان ىستەردىڭ بارلىعىن ورىنداپ ۇلگەرمەسەڭىز، كوڭىل كۇيىڭىز تۇسەدى. ومىردە كۇتپەگەن جاعدايلار ءجيى ورىن الاتىندىعىن بىلەمىز. سوندىقتان دەمالىس كۇندى جوسپارلاپ قويساڭىز، ول ءسىز ويلاعانداي جۇرمەسە، كۇنى بويىنا كوڭىلسىز بولاسىز. دەمالىس كۇندەر تىنىعۋعا ارنالعاندىعىن ۇمىتپاڭىز. ءسىزدىڭ مىندەتىڭىز جۇمىس كۇندەرى جوعالتقان كۇشىڭىزدى قالپىنا كەلتىرۋ بولعاندىقتان دەمالىس كۇنى ءۇي شارۋالارىنا دا، وزىڭىزگە دە ۋاقىتتى دۇرىس ءبولۋ كەرەك. دەمالىس كۇندەر تولقتاي ءۇي شارۋاسىنا كەتپەس ءۇشىن ولاردى جۇمىس كۇندەرى از- ازدان ورىنداي بەرۋ قاجەت.

دەمالىس كۇندى دۇرىس اياقتاڭىز جەكسەنبى كۇنى كەشكىسىن دۋش قابىلداپ، شوپتەردەن شاي دايىنداپ، قانداي دا ءبىر جاعىمدى ىسپەن اينالىسىڭىز. ول وتباسىڭىزبەن اڭگىمە ايتۋ نەمەسە كومەديالىق فيلم قاراۋ بولۋى مۇمكىن. ءبىراق جايعا دەيىن وتىرۋدىڭ قاجەتى جوق. ەرتەڭگىسىن جۇمىستا قۋاتتى بولىپ ءجۇرۋ ءۇشىن ەرتە جاتقانىڭىز ءجون.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات