+7 (701) 759 90 19 Лента
16 °С : استانا
19 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

قىزىلوردادا كوبەلەك كوبەيىپ كەتتى

24 مامىر 20:09 318
:ءبولىسۋ
قىزىلوردادا كوبەلەك كوبەيىپ كەتتى

قىزىلوردا. قازاقپارات - سوڭعى كۇندەرى قىزىلوردا وبلىسىندا كوبەلەك كوبەيىپ كەتتى، دەپ حابارلايدى قازاقپارات ءتىلشىسى.

اتالمىش جاندىكتەن تابيعاتقا كەلەتىن زالال بار ما؟ كوبەلەكتەر سىر وڭىرىنە قايدان كەلدى؟

وسى ورايدا «رەسپۋبليكالىق فيتوسانيتاريالىق دياگونوستيكا جانە بولجامدار ادىستەمەلىك ورتالىعى» مەملەكەتتىك مەكەمەسىنىڭ اگرونوم- ەنتومولوگ مامانى اسىلحان توسقىنباي ۇلى ودان قورقاتىن ەشتەڭە جوق ەكەنىن ءمالىم ەتتى.

«ونى وشاعانشى (رەپەينيتسا) كوبەلەگى دەپ اتايدى. ول دالالىق ساناتىنا جاتقىزىلادى. كوبەلەكتىڭ اتالمىش ءتۇرى قىزىلوردا وبلىسىنىڭ ەكى شەتىندەگى ارال جانە جاڭاقورعان اۋداندارىنان وزگەسىندە بايقالىپ وتىر. ول قىزىلقۇم بەتكەيىنەن كەلدى دەگەن بولجام بار. بۇل كوبەلەك مىڭجاپىراق، تۇيەتىكەن، سارىقالۋەن، اقباستى جۋسان جانە كەيبىر اعاشتىڭ جاپىراقتارىمەن قورەكتەنەدى. وشاعانشى كوبەلەگى تابيعاتقا زيانسىز. دەسە دە، ونىڭ قۇرتتارى اۋىل شارۋاشىلىعىنا زيان الىپ كەلۋى مۇمكىن. ءقازىر بۇل كوبەلەكتەر ءبىزدىڭ وڭىردە قورەك ىزدەپ ءجۇر. ولاردىڭ قونىستانۋ مەرزىمى ءساۋىر مەن قازان ايلارىنىڭ ارالىعىن قامتيدى» ، - دەدى اسىلحان توسقىنباي ۇلى.

كوبەلەكتەر جۇمىرتقا سالىپ تۇراقتاپ قالعان جاعدايدا كەيبىر جەمىس اعاشتارى مەن گۇلدەر زيان شەگۋى مۇمكىن. سوندىقتان بۇل باعىتتا ءتيىستى ورىندارعا ۇسىنىس حاتتار جولدانعان.

 
قىزىلوردادا كوبەلەك كوبەيىپ كەتتى

قازىر قىزىلوردا وبلىسىندا ىلعالدى- جەلدى اۋا رايى ساقتالىپ وتىر. الداعى ۋاقىتتا ايماقتا اپتاپ ىستىق بولىپ جاتسا، ولاردىڭ باسقا جاققا قونىس اۋدارۋى عاجاپ ەمەس.


باستى سوزدەر: قوعام, ايماق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات