باس اۋرۋىن قويدىراتىن ادىستەر
1- ءادىس: بال مەن گرەك جاڭعاعى
بەس شاقتى گرەك جاڭعاعىن 1 اس قاسىق تابيعي بالمەن ارالاستىرىڭىز. وعان ءبىر شىمشىم دارشىن مەن ءجانجابىل قوسىپ، ارالاستىرىڭىز. قوسپانى ءبىر تاۋلىككە توڭازىتقىشقا سالىڭىز. تاماق تانۋعا جارتى ساعات قالعاندا كۇنىنە 3 رەت ءبىر اس قاسىقتان جەپ تۇرۋ كەرەك.
2- ءادىس: پياز شىرىنى مەن بال
ستاقاننىڭ 1/3 بولىگى بولاتىنداي پياز شىرىنىن سىعىپ، ءبىر ستاقان تابيعي بالمەن ارالاستىرىڭىز. تاماق تانۋعا جارتى ساعات قالعاندا كۇنىنە 3 رەت ءبىر شاي قاسىقتان جەپ تۇرىڭىز. بۇل قوسپا مي تامىرلارىن تازارتۋمەن قاتار يممۋنيتەتتى دە نىعايتادى.
3- ءادىس: تابيعي شىرىن
كۇندە تاماقتانۋعا جارتى ساعات قالعاندا جارتى ستاقان انار (كەلەسى كۇنى الما، سودان سوڭ ءسابىز شىرىنىن) شىرىنىن ءىشىڭىز.
4- ءادىس: يتتىكەن تۇنباسى
10 گرامم يتتىكەننىڭ قۇرعاق تامىرلارىنا قايناعان سۋ قۇيىڭىز. بۇل قوسپانى تەرموستا ساقتاعان ءجون. 8-10 ساعاتتان كەيىن تۇنبانى ءسۇزىپ الىپ، سالقىن جەرگە قويىڭىز. تاڭعى اسقا جارتى ساعات قالعاندا 4 اس قاسىقتان ءبىر اي ۇزدىكسىز ءىشىپ تۇرىڭىز.
5- ءادىس: پايدالى تاعامدار
تاڭعى اسقا جارتى ساعات قالعاندا ءبىر ماندارين، ءبىر ۋىس مەيىز بەن گرەك جاڭعاعىن جەپ تۇرىڭىز. 15-20 مينۋتتان ەكيىن 1 شاي قاسىق بال مەن ليمون ءتىلىمى قوسىلعان سۋ ءىشىڭىز. 15 مينۋتتان كەيىن تاڭعى اس ىشۋگە بولادى.