تەستىلەۋ ورتالىعى باسشىسىنىڭ ۇستالۋى ۇ ب ت- عا اسەر ەتپەيدى

None
None
نۇر- سۇلتان. قازاقپارات - ءبىلىم جانە عىلىم مينيسترلىگى ۇلتتىق تەستىلەۋ ورتالىعى باسشىسىنىڭ پارامەن ۇستالۋىنا قاتىستى پىكىر ءبىلدىردى، دەپ حابارلايدى قازاقپارات.

ەسكە سالا كەتەيىك، بۇگىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى مەملەكەتتىك ساتىپ الۋدى وتكىزۋ كەزىندە ۇلەستەس كومپانيالاردىڭ مۇددەلەرىن قولداعانى ءۇشىن ق ر  ب ع م ۇلتتىق تەستىلەۋ ورتالىعى باسشىلىعىنا قاتىستى سىبايلاس جەمقورلىق سحەماسىنىڭ جولى كەسىلگەنىن حابارلادى.

«اتالمىش فاكتى بيىلعى ۇلتتىق ءبىرىڭعاي تەستىلەۋدى (ۇ ب ت) وتكىزۋ ۇردىسىنە ەش اسەر ەتپەيدى. قازىرگى تاڭدا ۇلتتىق تەستىلەۋ ورتالىعى شتاتتى رەجىمدە جۇمىس ىستەپ جاتىر. گرانتتاردى ۇلەستىرۋدىڭ اۆتوماتتاندىرىلعان جۇيەسى ءاردايىم باقىلاۋدا، ول قۇپيالىلىق رەجىمىندە جۇمىس جاسايدى جانە ادامي فاكتورعا تاۋەلدى ەمەس» دەلىنگەن حابارلامادا.

بۇگىندە تەرگەۋ ورگاندارى ۇلتتىق تەستىلەۋ ورتالىعىنىڭ ديرەكتورىنا قاتىستى سوتقا دەيىنگى تەرگەۋ جۇمىسىن جۇرگىزىپ جاتىر.

«ديرەكتوردىڭ كىناسىن سوت انىقتايدى. ءبىلىم جانە عىلىم مينيسترلىگى سىبايلاس جەمقورلىق كورىنىستەرىنە توزبەۋشىلىك قاعيداسىن قولدايدى» دەيدى مينيسترلىكتىڭ باسپا ءسوز قىزمەتى.

سوڭعى جاڭالىقتار