19:07, 24 - مامىر 2019 | GMT +6
ق ر پرەزيدەنتى: ۇلتتىق بۋرجۋازيانى قولدايمىن
نۇر- سۇلتان. قازاقپارات - ۇلتتىق بۋرجۋازيانى جەكە ءوزىم قولدايمىن. ق ر پرەزيدەنتى قاسىم- جومارت توقايەۆ twitter- دەگى پاراقشاسىنا وسىلاي دەپ جازدى.
«ۇلتتىق ينۆەستورلار كەڭەسىنىڭ وتىرىسىن وتكىزدىم. جايلى ىسكەرلىك ورتا قالىپتاستىرۋ، بيزنەستى ءتيىمدى قولداۋ جانە باسەكەلەستىكتى قورعاۋ ماسەلەلەرى بويىنشا ءبىرقاتار مىندەتتەر بەلگىلەدىم. ۇلتتىق بۋرجۋازيانى جەكە ءوزىم قولدايمىن»، - دەلىنگەن جەلىدە.
سونىمەن قاتار پرەزيدەنت پاراقشاسىندا ۇكىمەتكە «اتامەكەن» ۇ ك پ- مەن بىرلەسىپ، بارلىق باعدارلامالار بويىنشا مەملەكەتتىك قولداۋ شارالارىنىڭ تيىمدىلىگىنە جۇيەلى تالداۋ جۇرگىزۋدى تاپسىرعاندىعىن جازدى.
«1 - قازانعا دەيىن بيزنەستىڭ ەكى جاقتى مىندەتتەمەلەرىن ەسكەرەتىن مەملەكەتتىك قولداۋدىڭ جاڭا ادىستەرىن ازىرلەۋ كەرەك»، - دەپ جازدى مەملەكەت باسشىسى.